LPG Cylinder Price : एलपीजी (LPG) सिलिंडर आजपासून ९१.५० रुपयांनी स्वस्त झाला आहे. तेल विपणन कंपन्यांनी १ सप्टेंबर रोजी व्यावसायिक एलपीजी सिलिंडर स्वस्त केले आहेत. आता कंपन्यांच्या म्हणण्यानुसार, इंडेन सिलिंडर दिल्लीमध्ये ९१.५० रुपयांनी, कोलकात्यात १०० रुपयांनी, मुंबईत ९२.५० रुपयांनी आणि चेन्नईमध्ये ९६ रुपयांनी स्वस्त झाला आहे. एलपीजीच्या किमतीत ही कपात देशभरात करण्यात आली आहे. मात्र, १४ किलोच्या घरगुती एलपीजी सिलिंडरच्या किंमतीत कोणताही बदल झालेला नाही. गॅस कंपन्या दर महिन्याच्या १ तारखेला सिलिंडरची किंमत ठरवतात. त्यामुळंच गेल्या महिन्याच्या सुरुवातीला म्हणजेच १ ऑगस्टलाही गॅस सिलिंडरच्या दरात कपात करण्यात आली होती.
कंपन्यांनी १९ किलोच्या व्यावसायिक सिलिंडरच्या दरात कपात केली आहे. घरगुती सिलिंडरचे दर ६ जुलैपर्यंत कायम आहेत. कंपन्यांनी अखेर ६ जुलै रोजी सिलिंडरवर ५० रुपयांची कपात केली होती. आजपासून दिल्लीत १९ किलोचा एलपीजी सिलिंडर १९७६.५० रुपयांऐवजी १८८५ रुपयांना मिळणार आहे. व्यावसायिक सिलेंडरची किंमत मुंबईत १८४४ रुपये आणि चेन्नईमध्ये २०४५ रुपयांवर आली आहे. आधी कोलकात्यात २०९५.५० रुपयांना उपलब्ध होते पण आता ते १९९५.५० रुपयांना उपलब्ध आहे.
The price of a commercial LPG cylinder is reduced by Rs 91.50 with effect from today. Now, a 19 kg commercial LPG cylinder will cost Rs 1,885, instead of Rs 1,976 in Delhi
— ANI (@ANI) September 1, 2022
हेही वाचा – हा काय डोक्याला नवीन ‘ताप’? कोरोनानंतर भारतात वाढतोय Tomato Flu!
देशातील बहुतांश शहरांमध्ये आता सरकारकडून गॅस सिलिंडरवर अनुदान दिलं जात नाही. त्यामुळे आता लोकांना सबसिडीशिवाय सिलिंडर खरेदी करावे लागत आहे. उज्ज्वला योजनेंतर्गत मोफत एलपीजी कनेक्शन मिळवणाऱ्या लाभार्थ्यांनाच सरकार एलपीजी सबसिडी देत आहे. एलपीजी घरगुती गॅसच्या दरात यंदा चार वेळा वाढ करण्यात आली आहे. जुलैपूर्वी ७ मे रोजी सिलिंडरमागे ५० रुपयांची वाढ करण्यात आली होती.
काय फायदा होईल?
व्यावसायिक सिलिंडरच्या कमी किमतीमुळं हॉटेल, रेस्टॉरंट आणि मोठ्या लग्नसमारंभांमध्ये बनवलेले स्वयंपाकघर स्वस्तात मिळतात. कारण अशा ठिकाणी व्यावसायिक गॅस सिलिंडरचा वापर केला जातो. अशा प्रकारे घरगुती गॅस सिलिंडरचा थेट फायदा ग्राहकांना होतो. त्याचबरोबर व्यावसायिक गॅस सिलिंडरचे दर वाढले तर हॉटेलमधून मागवलेले खाद्यपदार्थ महाग होतात. पण किमती स्वस्त असतील तर त्याचा अप्रत्यक्ष फायदा सर्वसामान्य ग्राहकांनाही होतो.
अशी आहे घरगुती १४ किलो LPG सिलेंडरची शहरांनुसार किंमत
- पाटणा – ११४२.५
- कन्या कुमारी – ११३७
- अंदमान – ११२९
- रांची – १११०.५
- शिमला – १०९७.५
- लखनऊ – १०९०.५
- उदयपूर – १०८४.५
- इंदूर – १०८१
- कोलकाता – १०७९
- डेहराडून – १०७२
हेही वाचा – वजन-बिजन सगळं कमी होतंय, फक्त ‘जिऱ्याचं पाणी’ तुमच्या आयुष्यात आणा!
- चेन्नई – १०६८.५
- आग्रा – १०६५.५
- चंदीगड – १०६२.५
- अहमदाबाद – १०६०
- भोपाळ – १०५८.५
- जयपूर – १०५६.५
- बेंगळुरू – १०५५.५
- दिल्ली – १०५३
- मुंबई – १०५२.५