Trump Tariff Decision : अमेरिकेचे माजी अध्यक्ष डोनाल्ड ट्रम्प यांनी पुन्हा एकदा जगाचं लक्ष वेधून घेणारा निर्णय घेतला आहे. त्यांनी औषधे, ट्रक, फर्निचर आणि किचन कॅबिनेट्स यांसारख्या विविध वस्तूंवर अविश्वसनीय टॅरिफ लावण्याची घोषणा केली आहे. आता या निर्णयामुळे केवळ व्यापारच नव्हे तर जागतिक आरोग्य व्यवस्था आणि उद्योगधंद्यांवरही गंभीर परिणाम होण्याची शक्यता आहे.
‘टॅरिफवर टॅरिफ’ – ट्रम्प यांची नवी रणनीती?
असे दिसते की ट्रम्प आता “तारीख पे तारीख” नव्हे तर “टॅरिफ पे टॅरिफ” ही स्वतःची धोरण बनवत आहेत. 25 सप्टेंबर 2025 रोजी त्यांनी पुन्हा एकदा नवीन टॅरिफ लावण्याची घोषणा केली. त्यानुसार:
- ब्रँडेड किंवा पेटंटेड औषधांवर 100% टॅरिफ लावले जाईल.
- सर्व हेवी ड्युटी ट्रक आयातींवर 25% टॅरिफ.
- किचन कॅबिनेट्सवर 50% टॅरिफ,
- आणि गादी लावलेल्या (upholstered) फर्निचरवर 30% टॅरिफ लागू केला जाणार आहे.
औषध कंपन्यांना धक्का: “अमेरिकेत प्लांट नसेल, तर दुप्पट किंमत!”
ट्रम्प यांनी त्यांच्या Truth Social या सोशल मीडिया प्लॅटफॉर्मवर जाहीर केलं की 1 ऑक्टोबर 2025 पासून कोणतीही ब्रँडेड किंवा पेटंटेड औषध कंपनी जर अमेरिकेत मॅन्युफॅक्चरिंग प्लांट स्थापन करत नसेल, तर त्यांच्यावर 100 टक्के टॅरिफ लागेल.
“स्थापित करण्याचा अर्थ फक्त जमीन घेणं नाही, तर प्रत्यक्षात उत्पादन सुरू करणं किंवा बांधकाम सुरू असणं आवश्यक आहे,” असं ट्रम्प म्हणाले. त्यामुळे विदेशी कंपन्यांना आता अमेरिकेतच उत्पादन सुरू करण्यावाचून गत्यंतर उरणार नाही.
हेही वाचा – ‘मी फक्त हिरो नाही…’ संजूने खुद्द सांगितलं त्याचं मनातलं! पाहा त्याचा इमोशनल व्हिडीओ
Kitchen, Bathroom आणि Furniture उद्योगांवर थेट घाव
अमेरिकेत आयात होणाऱ्या किचन कॅबिनेट्स, बाथरूम व्हॅनिटीज आणि असबाबयुक्त फर्निचरवरही ट्रम्प यांनी कठोर निर्णय घेतला आहे. या वस्तूंवर अनुक्रमे 50% आणि 30% टॅरिफ लागू करण्यात येईल, असं त्यांनी स्पष्ट केलं.
हे टॅरिफ “राष्ट्रीय सुरक्षेच्या दृष्टीने आणि अमेरिकेतील स्थानिक मॅन्युफॅक्चरिंग मजबूत करण्याच्या हेतूने” लावले जात असल्याचे ट्रम्प यांनी नमूद केले.
याचा परिणाम काय होणार?
- भारतीय आणि चिनी कंपन्यांना मोठा फटका: अनेक ब्रँडेड औषधे, ट्रक पार्ट्स आणि फर्निचर उत्पादने हे भारत आणि चीनमधून आयात केली जातात.
- अमेरिकेत किंमती वाढण्याची शक्यता: उच्च टॅरिफमुळे हे उत्पादने महाग होण्याची शक्यता आहे.
- स्थानिक उत्पादन वाढेल: अमेरिकेत उत्पादन करणाऱ्या कंपन्यांना मोठा फायदा होईल.
- जागतिक व्यापार तणावात: WTO आणि इतर व्यापार संघटनांकडून यावर आक्षेप घेतला जाऊ शकतो.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा