Aadhaar Photocopy Ban : देशातील आधार पडताळणी प्रणालीमध्ये मोठा बदल घडणार आहे. UIDAI (Unique Identification Authority of India) लवकरच असा नियम लागू करत आहे, ज्यामुळे हॉटेल्स, इव्हेंट ऑर्गनायझर्स किंवा कोणत्याही संस्थांना आधार कार्डाची झेरॉक्स प्रत मागवणे आणि साठवणे पूर्णपणे बंद होणार आहे.

एका वरिष्ठ अधिकाऱ्यांनी दिलेल्या माहितीनुसार, अशा प्रकारे आधार कार्डाच्या झेरॉक्स प्रत साठवणे Aadhaar Act चं उल्लंघन आहे. त्यामुळे आता पेपर-बेस्ड व्हेरिफिकेशन पूर्णपणे बंद करून डिजिटल प्रणाली लागू केली जाणार आहे.

UIDAI चे मुख्य कार्यकारी अधिकारी भुवनेश कुमार यांनी सांगितले की, आधार-आधारित पडताळणी करणाऱ्या हॉटेल्स, कार्यक्रम आयोजक किंवा इतर संस्थांसाठी नवीन रजिस्ट्रेशन फ्रेमवर्क मंजूर करण्यात आले आहे.

एकदा नोंदणी झाल्यावर या संस्थांना QR कोड स्कॅनिंग किंवा नवीन आधार मोबाइल अॅपद्वारे डिजिटल पडताळणी करण्याची सुविधा मिळणार आहे.

नवीन आधार अॅप – सर्वात मोठा बदल

UIDAI सध्या एक अत्याधुनिक अॅप विकसित करत आहे, ज्यामुळे:

App-to-App Authentication शक्य होणार
प्रत्येक वेळी सेंट्रल सर्व्हरशी कनेक्ट होण्याची गरज नाही
हॉटेल्स, एअरपोर्ट्स, रिटेल स्टोअर्स (अल्पवयीन मर्यादित वस्तू विक्रीसाठी) यांसारख्या ठिकाणी वापरता येणार

हा अॅप सध्या बीटा टेस्टिंगमध्ये असून लवकरच सर्वांसाठी उपलब्ध होणार आहे.