Taiwan Skyscraper Climbing : जगातील सर्वात धाडसी गिर्यारोहकांपैकी एक असलेल्या अमेरिकन क्लायंबर अॅलेक्स होनोल्ड याने पुन्हा एकदा संपूर्ण जगाला थक्क केलं आहे. कोणताही दोरा, हार्नेस किंवा सुरक्षा उपकरणांशिवाय त्याने तैवानमधील प्रसिद्ध तैपेई 101 ही तब्बल 101 मजली, 508 मीटर उंच गगनचुंबी इमारत सर करून इतिहास घडवला आहे.
स्टील, काच आणि काँक्रीटपासून बनलेली ही इमारत बांबूच्या काडीप्रमाणे दिसते. इतक्या उंच इमारतीवर कोणतीही सुरक्षा साधनं न वापरता चढणं म्हणजे मृत्यूला थेट आव्हान देण्यासारखंच. पण होनोल्डसाठी हे अशक्य काहीच नाही, हे त्याने पुन्हा सिद्ध केलं.
On January 25, 2026, American rock climber Alex Honnold made history by completing the first-ever free solo ascent of the Taipei 101 skyscraper in Taiwan, scaling the 1667-foot (508m) structure without ropes or safety gear.pic.twitter.com/1qer1dNlPv
— Massimo (@Rainmaker1973) January 27, 2026
हवामानामुळे विलंब, पण धाडसात कमतरता नाही
ही चढाई मूळतः शनिवारी होणार होती, मात्र पावसामुळे ती पुढे ढकलण्यात आली. अखेर रविवारी, तैवानची राजधानी तैपेई येथे होनोल्डने ही थरारक चढाई पूर्ण केली. Netflix वर ही चढाई थेट प्रक्षेपित करण्यात आली होती. मात्र कोणतीही दुर्घटना घडल्यास थेट प्रसारण थांबवण्यासाठी काही सेकंदांचा विलंब ठेवण्यात आला होता.
Netflix चे वरिष्ठ अधिकारी जेफ गॅस्पिन यांनी आधीच स्पष्ट केलं होतं, “असं काही घडलं तर आम्ही लगेच लाईव्ह कट करू. कोणीही असं काही घडावं अशी अपेक्षा करत नाही.”
Alex Honnold waves to the crowd as he begins his free solo climb of Taipei 101. One of the tallest buildings in the world.
— Netflix (@netflix) January 25, 2026
LIVE right now on Netflix. #SkyscraperLive pic.twitter.com/xTP2pdR6mo
1 तास 31 मिनिटांत विक्रम
अॅलेक्स होनोल्डने ही संपूर्ण चढाई फक्त 1 तास 31 मिनिटांत पूर्ण केली. विशेष म्हणजे हा वेळ याआधीचा विक्रम निम्म्याहून अधिक कमी करणारा आहे. याआधी फ्रेंच क्लायंबर अॅलन रॉबर्ट (ज्याला ‘स्पायडरमॅन’ म्हणून ओळखलं जातं) याने ही इमारत 4 तासांत, तेही दोऱ्या आणि हार्नेससह सर केली होती.
चढाई पूर्ण झाल्यानंतर होनोल्डने आपल्या भावनांना एकाच शब्दात व्यक्त केलं – “Sick.”
तैवानच्या उपराष्ट्राध्यक्षांकडून अभिनंदन
तैवानच्या उपराष्ट्राध्यक्ष ह्सियाओ बी-खिम यांनी सोशल मीडिया प्लॅटफॉर्म X वर होनोल्डचं कौतुक करत लिहिलं, “मी प्रामाणिकपणे सांगते, मला हे पाहतानाच मळमळायला लागली होती.”
ALEX HONNOLD AFTER COMPLETING HIS FREE SOLO OF TAIPEI 101: "Sick."
— Netflix (@netflix) January 25, 2026
The 101 story climb took 1 hour and 35 minutes #SkyscraperLIVE pic.twitter.com/TIzeRqiUcM
पत्नी, वारा, उष्णता आणि चाहत्यांचा गोंगाट
चढाईदरम्यान होनोल्डच्या पत्नीला वारा आणि उष्णतेची मोठी चिंता वाटत होती. मात्र 89व्या मजल्यावर पोहोचताच एक अनपेक्षित क्षण आला—समोरच्या काचेपलीकडे उभे असलेले चाहते टाळ्या वाजवत, हात हलवत त्याला प्रोत्साहन देत होते. हा क्षण Netflix आणि होनोल्डने Instagram वर शेअर केला असून, व्हिडिओ सध्या जोरदार व्हायरल होत आहे.
‘Free Solo’ ते तैपेई 101 – धाडसाचा प्रवास
होनोल्ड याने याआधी कॅलिफोर्नियातील योसेमिटी नॅशनल पार्कमधील एल कॅपिटन ही 915 मीटर उंच ग्रॅनाइट भिंत कोणत्याही सुरक्षेशिवाय सर केली होती. या ऐतिहासिक कामगिरीवर आधारित ‘Free Solo’ हा माहितीपट प्रदर्शित झाला आणि त्याला ऑस्कर पुरस्कारही मिळाला.
तैपेई 101 वरची ही चढाई म्हणजे केवळ एक विक्रम नाही, तर मानवी धाडस, मानसिक ताकद आणि भीतीवर मात करण्याचं जिवंत उदाहरण आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा