Gold Silver Price : सोन्याच्या दराने जगभरात विक्रमी उच्चांक गाठला आहे. यासोबतच देशात सणासुदीचा आणि लग्नाचा हंगाम जवळ येत असताना सोन्याचे भाव गगनाला भिडत आहेत. भारतात प्रथमच सोन्याचा भाव 76,000 रुपये प्रति 10 ग्रॅमच्या पुढे गेला आहे. दिल्ली, जयपूर, लखनऊ आणि चंदीगडसारख्या मोठ्या शहरांमध्ये ही लाट दिसून आली आहे.
बुधवारी सुरुवातीच्या व्यवहारात, 10 ग्रॅम सोन्याचा दर 0.20% वाढून 75,150 रुपये झाला. MCX वर सोन्याने प्रथमच 75,000 रुपयांचा टप्पा ओलांडला आहे. केवळ सप्टेंबर महिन्यात सोन्याच्या किमतीत तब्बल 4.74% वाढ झाली आहे. त्याच वेळी, चांदीची किंमत 0.18% ने घटून 92,230 रुपये प्रति किलो झाली आहे.
देशातील प्रमुख शहरांमध्ये सोन्याचा भाव
- दिल्लीत 24 कॅरेट सोन्याचा दर 76,520 रुपये आणि 22 कॅरेट सोन्याचा दर 70,160 रुपये प्रति 10 ग्रॅम आहे.
- मुंबईत 24 कॅरेट सोने 76,370 रुपये आणि 22 कॅरेट सोने 70,010 रुपये प्रति 10 ग्रॅम आहे.
- कोलकातामध्ये 24 कॅरेट सोने 76,370 रुपये आणि 22 कॅरेट सोने 70,010 रुपये प्रति 10 ग्रॅम आहे.
- चेन्नईमध्ये 24 कॅरेट सोन्याचा दर 76,370 रुपये आणि 22 कॅरेट सोन्याचा दर 70,010 रुपये प्रति 10 ग्रॅम आहे.
हेही वाचा – बदलापूर एन्काउंटरनंतर मुंबईत लागले ‘असे’ पोस्टर्स आणि राजकारणचं तापलं
सोने महाग का होत आहे?
तज्ज्ञांच्या मते, सोन्याच्या किमती वाढण्यामागे अनेक कारणे आहेत, ज्यामध्ये जागतिक आर्थिक परिस्थिती, US Fed (Federal Reserve Interest Rate Cut) द्वारे व्याजदर कपात आणि आसपासची तणावपूर्ण परिस्थिती यांचा समावेश आहे.
सोने अजून महाग होणार का?
सोन्याच्या किमतीत सातत्याने वाढ होत असल्याने लोकांना जाणून घ्यायचे आहे की ते आणखी महाग होणार का? तज्ज्ञांच्या मते, वर्षाच्या अखेरीस एमसीएक्सवर सोने 79,000 ते 80,000 रुपये प्रति 10 ग्रॅमच्या पातळीवर पोहोचू शकते.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!