Medical College In Every District : सर्वांना परवडणाऱ्या व उच्च दर्जाच्या आरोग्य सेवा उपलब्ध व्हाव्यात हे राज्य शासनाचे उद्दिष्ट असून राज्यातील प्रत्येक जिल्ह्यात वैद्यकीय महाविद्यालय सुरू करण्यात येईल, असे वैद्यकीय शिक्षण मंत्री गिरीष महाजन यांनी विधानसभेत सांगितले.
विधानसभेत सन २०२३-२४ च्या अर्थसंकल्पावरील अनुदानाच्या मागण्यावर ग्रामविकास विभाग, अन्न, नागरी पुरवठा व ग्राहक संरक्षण विभाग, सार्वजनिक आरोग्य विभाग, वैद्यकीय शिक्षण व औषधी द्रव्ये विभागावर चर्चा झाली.
हेही वाचा – अंबरनाथचा विकास होणार..! सरकारकडून मिळाला 775 कोटींचा निधी; CM शिंदेंची माहिती
#विधानसभाकामकाज
सर्वांना परवडणाऱ्या, उच्च दर्जाच्या आरोग्य सेवा उपलब्ध करणे हे शासनाचे उद्दिष्ट आहे. प्रत्येक जिल्ह्यात वैद्यकीय महाविद्यालय सुरू करण्यात येणार असून सुपर स्पेशालिटी रुग्णालयांची स्थापना व श्रेणीवर्धनाच्या कामांना गती देणार- वैद्यकीय शिक्षणमंत्री @girishdmahajan pic.twitter.com/9LG3mLLNvK— MAHARASHTRA DGIPR (@MahaDGIPR) March 17, 2023
यावर ग्राम विकास व वैद्यकीय शिक्षण मंत्री महाजन, सार्वजनिक आरोग्य मंत्री डॉ. तानाजी सावंत, अन्न, नागरी पुरवठा व ग्राहक संरक्षण मंत्री रवींद्र चव्हाण यांनी उत्तरे दिली. महाजन म्हणाले की, सुपर स्पेशलिटी रुग्णालये स्थापन करणे आणि त्यांचे श्रेणीवर्धन करणे याबाबतच्या कामांना येणाऱ्या काळात अधिक गती देण्यात येणार आहे.
यावेळी मंत्री डॉ. सावंत यांनी सार्वजनिक आरोग्य विभागाअंतर्गत या अर्थसंकल्पात केलेल्या आरोग्य सुविधांची माहिती दिली व मंत्री चव्हाण यांनी अन्न व नागरी ग्राहक संरक्षण विभागाकडून या अर्थसंकल्पात केलेल्या तरतुदींची माहिती दिली.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!