Chandni Chowk Bridge To Be Demolished : महाराष्ट्रातील पुण्यातील जुना आणि जीर्ण चांदणी चौक पूल आज मध्यरात्रीनंतर पाडण्यात येणार आहे. पुलाच्या पिलरमध्ये स्फोटके बसवण्याचे काम पूर्ण झाले. हा पूल पाडताना कोणतीही जीवित व वित्तहानी होणार नाही, यासाठी पुणे जिल्हा प्रशासन आणि महानगरपालिकेने चोख बंदोबस्त ठेवला आहे. पुलाच्या भिंतीमध्ये स्फोटकेही पेरण्यात आली आहेत. नोएडाच्या सुपरटेक ट्विन टॉवर्सच्या धर्तीवर ते पाडण्यात येणार आहे. काही सेकंदात त्याचे रुपांतर कचऱ्याच्या ढिगात होईल.
चांदणी चौक राष्ट्रीय महामार्गाला जोडल्यामुळे दिवसभर वाहनांची वर्दळ असते. त्यामुळे आज रात्री २ वाजता पाडण्यात येणार आहे. एकेकाळी हा पूल वाहतुकीचे मुख्य केंद्र होता, मात्र आता त्याच्या जागी रुंद रस्ता आणि नवीन पूल बांधण्यात येणार आहे.
Pune, Maharashtra | Chandni Chowk bridge to be demolished on October 2; administration makes special arrangements pic.twitter.com/qtUCBFiEeh
— ANI (@ANI) October 1, 2022
दिल्लीची कंपनी पूल पाडणार
नोएडाचे ट्विन टॉवर पाडणाऱ्या कंपनीला पुण्यातील हा पूल पाडण्याची जबाबदारीही देण्यात आली आहे. काही सेकंदात पूल जमिनीवर येईल, असे पुण्याचे जिल्हाधिकारी डॉ.राजेश देशमुख यांनी सांगितले. यानंतर तातडीने ढिगारा साफ करण्याचे काम सुरू होईल. पुण्यातील चांदणी चौक हे मुंबई बंगळुरू राष्ट्रीय महामार्गावरील एक प्रमुख जंक्शन आहे. गेल्या काही दिवसांपासून वाहतूक कोंडीमुळे ते चर्चेत होते.
हेही वाचा – मुंबईकर पृथ्वी शॉला गरबा शिकवणारी ती मुलगी कोण? जाणून घ्या तिच्याबद्दल…
पुणेकरांमध्ये उत्सुकता
हा पूल उडवण्याबाबत पुणेकरांमध्ये प्रचंड उत्सुकता आहे. पाडणे हा एका मोठ्या प्रकल्पाचा भाग आहे. शहरातील गजबजलेल्या चांदणी चौक चौकातील वाहतूक सुधारणे हा यामागचा उद्देश आहे. सकाळ-संध्याकाळ येथे अजूनही वाहतूक कोंडी असते. या पुलाऐवजी उड्डाणपूल बांधण्यात येणार आहे. हे काम भारतीय राष्ट्रीय महामार्ग प्राधिकरण (NHAI) आणि स्थानिक प्राधिकरणांद्वारे केले जाईल. रात्री ११ वाजल्यापासून परिसरातील वाहतूक बंद करण्यात येणार आहे
गडकरींची हवाई पाहणी, मुख्यमंत्री शिंदेची भेट
केंद्रीय रस्ते वाहतूक आणि महामार्ग मंत्री नितीन गडकरी यांनी शुक्रवारी चांदणी चौकात सुरू असलेल्या पुलाच्या कामाची हवाई पाहणी केली आणि वाहतूक समस्या सोडवण्यासाठी स्थानिक अधिकाऱ्यांशी चर्चा केली. याआधी ऑगस्टमध्ये महाराष्ट्राचे मुख्यमंत्री एकनाथ शिंदे यांनी या भागाला भेट देऊन वाहतूक परिस्थितीचा आढावा घेतला होता.