Supriya Sule Daughter Marriage : राष्ट्रवादी काँग्रेस (शरद पवार गट) पक्षाच्या कार्याध्यक्ष आणि खासदार सुप्रिया सुळे यांच्या घरात लवकरच शुभमंगल कार्य पार पडणार आहे. त्यांच्या कन्या रेवती सुळे यांचा विवाह नागपूरस्थित उद्योजकांचा पुत्र सारंग लाखानी यांच्याशी होणार असल्याची माहिती विश्वसनीय सूत्रांकडून मिळाली आहे.

या आनंदाची बातमी सोशल मीडियाच्या माध्यमातून समोर आली आहे. सुप्रिया सुळे यांचे पुत्र विजय सुळे यांनी मंगळवारी रेवती सुळे आणि सारंग लाखानी यांचा एकत्रित छायाचित्र शेअर करत, “Congrats sis and bro-in-law” असा संदेश दिला. या पोस्टवर हृदय आणि अंगठीचे प्रतीक वापरण्यात आले असून, काही क्षणांतच ही पोस्ट चर्चेत आली.

केवळ पवार कुटुंबच नव्हे, तर राजकीय वर्तुळातूनही शुभेच्छांचा ओघ सुरू झाला आहे. काँग्रेस नेते सुशीलकुमार शिंदे यांच्या कन्या स्मृती शिंदे यांनी देखील रेवती आणि सारंग यांचा फोटो शेअर करत त्यांना शुभेच्छा दिल्या आहेत.

शैक्षणिक पार्श्वभूमी

रेवती सुळे यांनी मुंबईतील सेंट झेवियर्स महाविद्यालयातून अर्थशास्त्र विषयात पदवी घेतली आहे. त्यानंतर त्यांनी लंडन स्कूल ऑफ इकॉनॉमिक्स येथून सार्वजनिक प्रशासनात पदव्युत्तर शिक्षण पूर्ण केले आहे. सामाजिक आणि सार्वजनिक क्षेत्रातील अभ्यासामुळे त्या कायमच चर्चेत राहिल्या आहेत.

View this post on Instagram

A post shared by Revati Sule (@revati.sule)

दुसरीकडे, सारंग लाखानी हे विश्वराज समूहाचे कार्यकारी संचालक म्हणून कार्यरत आहेत. हा उद्योगसमूह त्यांच्या वडिलांच्या नियंत्रणाखाली आहे. शिक्षणाच्या बाबतीतही ते तितकेच आघाडीवर असून, त्यांनी अमेरिकेतील कोलंबिया बिझनेस स्कूलमधून व्यवस्थापनाचे शिक्षण घेतले आहे. ते एक उत्तम बॅडमिंटनपटू म्हणूनही ओळखले जातात.

शरद पवार यांची प्रकृती

दरम्यान, सुप्रिया सुळे यांचे वडील आणि राष्ट्रवादी काँग्रेस (शरद पवार गट) पक्षाचे अध्यक्ष शरद पवार यांना छातीत संसर्ग झाल्यामुळे सोमवारी पुण्यातील खासगी रुग्णालयात दाखल करण्यात आले होते. सध्या त्यांच्यावर उपचार सुरू असून, प्रकृती स्थिर असल्याची माहिती मिळत आहे.