Republic Day Underwater Tiranga : देशभरात 77वा प्रजासत्ताक दिन मोठ्या उत्साहात साजरा केला जात असताना, अमरावतीमधील एका पोलीस जवानाने असा पराक्रम केला की सोशल मीडियावर त्याचा व्हिडिओ पाहून प्रत्येकाच्या अंगावर शहारे येत आहेत. 11 फूट खोल पाण्याखाली तब्बल 1 मिनिट 22 सेकंद श्वास रोखून तिरंगा फडकावणाऱ्या या जवानाचे नाव आहे – प्रवीण दादाराव आखरे.

प्रजासत्ताक दिनानिमित्त सर्वत्र ध्वजारोहण होत असते, मात्र प्रवीण आखरे यांनी पाण्याच्या तळाशी तिरंगा फडकावून ‘हर घर तिरंगा’ मोहिमेला एक नवी, साहसी आणि प्रेरणादायी ओळख दिली आहे. त्यांचा हा व्हिडिओ पाहिल्यानंतर देशभक्तीचा अभिमान आपोआप जागा होतो.

11 फीट गहरे पानी में 1 मिनट 22 सेकंड तक फहराया तिरंगा

अमरावती शहर पुलिस आयुक्तालय के पुलिस कांस्टेबल प्रवीण दादाराव आखरे ने 77वें गणतंत्र दिवस के अवसर पर 11 फीट गहरे पानी के नीचे 1 मिनट 22 सेकंड तक अपनी सांस रोककर तिरंगा फहराया. इस दौरान उन्होंने “हर घर तिरंगा” के संकल्प को पानी… pic.twitter.com/p2hsD8Xplr
— NDTV India (@ndtvindia) January 26, 2026

कोण आहेत प्रवीण दादाराव आखरे?

प्रवीण दादाराव आखरे हे महाराष्ट्रातील अमरावती शहरातील पोलीस आयुक्तालयात कॉन्स्टेबल म्हणून कार्यरत आहेत. सध्या ते जीवनरक्षक लाइफ गार्ड व शोध-बचाव (Search & Rescue) पथकात कार्यरत असून, धोकादायक परिस्थितीत लोकांचे प्राण वाचवणे हेच त्यांचे रोजचे काम आहे.

77व्या प्रजासत्ताक दिनाच्या निमित्ताने त्यांनी 11 फूट खोल पाण्यात उतरून 1 मिनिट 22 सेकंद श्वास रोखत तिरंगा फडकावला, जो केवळ एक स्टंट नसून देशप्रेमाची जिवंत प्रचिती आहे.

पाण्याखाली योग, सायकलिंग आणि स्केटिंग – आधीच आहेत रेकॉर्डहोल्डर

हा पहिलाच पराक्रम नाही. प्रवीण आखरे यांनी याआधीही पाण्याखाली योगासने सादर करून India Book of Records आणि Asia Book of Records मध्ये आपले नाव नोंदवले आहे.

✔️ पाण्याखाली योगासन
✔️ पाण्यात सायकल चालवणे
✔️ स्केटिंग करताना तिरंगा फडकावणे

अशा अनेक साहसी आणि प्रेरणादायी कृतींमुळे ते सातत्याने चर्चेत असतात.