AUS vs PAK World Cup 2023 In Marathi : वर्ल्डकपमध्ये आज डेव्हिड वॉर्नर आणि मिचेल मार्श यांचे वादळ घोंगावले. बंगळुरूच्या चिन्नास्वामी येथे रंगणाऱ्या पाकिस्तानविरुद्ध सामन्यात ऑस्ट्रेलियाने 367 धावांचा डोंगर उभा केला आहे. यापैकी 259 धावा वॉर्नर-मार्श जोडीने कुटल्या. आकाराने लहान असलेल्या आणि फलंदाजीला एकदम मस्त असलेल्या खेळपट्टीवर वॉर्नर-मार्श तुफान खेळले. वॉर्नरने दीडशतकी तर मार्शने शतकी खेळी केली. या दोघांचे रौद्ररुप पाहून ऑस्ट्रेलिया 400 धावा काढणार असे वाटत असताना पाकिस्तानने कमबॅक केले. शाहिद आफ्रिदीने ऑस्ट्रेलियाच्या अर्ध्या विकेट्स घेतल्या आणि ऑस्ट्रेलियाला थांबवले.
ऑस्ट्रेलिया 367-9
डेव्हिड वॉर्नर आणि मिचेल मार्श या सलामीवीरांनी ऑस्ट्रेलियाच्या डावाची तुफानी सुरुवात केली. शाहिन आफ्रिदीने टाकलेल्या पाचव्या षटकात वॉर्नर आऊट झाला असता, पण मिड ऑनला उभ्या असलेल्या उसामा मीरने त्याचा सोपा झेल सोडला. याचा फायदा वॉर्नरने पुरेपूर उठवला. वॉर्नर आणि मार्श यांनी पहिल्या गड्यासाठी 259 धावांची विक्रमी भागीदारी रचली. 34व्या षटकात मार्श बाद झाला. मार्शने 10 चौकार आणि 9 षटकारांसह 121 धावांची खेळी केली. त्यानंतर ऑस्ट्रेलियाने स्टीव्ह स्मिथ (7), ग्लेन मॅक्सवेल (0), जोस इंग्लिस (13) यांना स्वस्तात गमावले. शेवटच्या षटकात पाकिस्तानकडून शाहिद आफ्रिदीने ऑस्ट्रेलियाच्या शेपटाकडच्या फलंदाजांना गुंडाळले. त्याने 54 धावांत 5 विकेट्स घेतल्या हारिस रौफने 3 विकेट्स घेतल्या, पण त्याला 83 धाववा खर्च कराव्या लागल्या.
हेही वाचा – VIDEO : 14 चौकार, 9 षटकार…पाकिस्तानविरुद्ध डेव्हिड वॉर्नर ‘झुकेगा नहीं साला’!
दोन्ही संघांची Playing 11 (AUS vs PAK World Cup 2023)
ऑस्ट्रेलिया – डेविड वॉर्नर, मिचेल मार्श, स्टीवन स्मिथ, मार्नस लाबुशेन, जोश इंग्लिस (विकेटकीपर), ग्लेन मैक्सवेल, मार्कस स्टोइनिस, मिचेल स्टार्क, पॅट कमिन्स (कप्तान), एडम झाम्पा, जोश हेजलवुड.
पाकिस्तान – अब्दुल्ला शफीक, इमाम उल हक, बाबर आझम (कर्णधार), मोहम्मद रिझवान (विकेटकीपर), सौद शकील, मोहम्मद नवाज, इफ्तिखार अहमद, उसामा मीर, हसन अली, शाहीन आफ्रिदी, हारिस रौफ.
‘वाचा मराठी’चे व्हॉट्सॲप चॅनेल येथे फॉलो करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!