Lakshya Sen Age Controversy : देशातील नंबर वन बॅडमिंटनपटू लक्ष्य सेन याच्यावर बंगळुरूमध्ये एफआयआर दाखल करण्यात आला आहे. त्याच्यावर वयाची फसवणूक केल्याचा आरोप आहे. त्याच्या अकादमीचे (प्रकाश पदुकोण अकादमी) प्रशिक्षक विमल कुमार, वडील धीरेंद्र सेन, आई निर्मला आणि भाऊ चिराग यांची नावे एफआयआरमध्ये समाविष्ट आहेत. चिरागही बॅडमिंटनपटू आहे. लक्ष्यने यावर्षी बर्मिंगहॅम येथे झालेल्या राष्ट्रकुल स्पर्धेत सुवर्णपदक जिंकले होते. ३० नोव्हेंबरला राष्ट्रपती भवनात त्यांना अर्जुन पुरस्कारानेही सन्मानित करण्यात आले.
इंडियन एक्सप्रेसच्या वृत्तानुसार, बंगळुरूमध्येच बॅडमिंटन अकादमी चालवणाऱ्या नागराजा एमजीच्या तक्रारीनंतर गुन्हा दाखल करण्यात आला आहे. तक्रारीत नागराजा यांनी म्हटले आहे की, २०१० मध्ये लक्ष्यचा प्रशिक्षक आणि त्याच्या पालकांनी बनावट जन्म प्रमाणपत्र बनवले. याच कारणामुळे लक्ष्य मोठा असूनही वेगवेगळ्या वयोगटात खेळू शकला. जन्म प्रमाणपत्रानुसार लक्ष्य सेनचा जन्म २००१ मध्ये झाला होता तर नागराजा यांनी त्याचा जन्म १९९८ सालचा असल्याचे सांगितले. आयपीसी कलम ४२० (फसवणूक), ४६८ (बनावट) आणि ४७१ (खोटे रेकॉर्ड) या प्रकरणात समाविष्ट आहेत. पोलीस सध्या या प्रकरणाचा तपास करत आहेत.
हेही वाचा – मुख्यमंत्र्यांचा आदेश..! शाहूवाडी, पन्हाळा तालुक्यातील जनतेला मिळाली ‘गूड’ न्यूज
The Bengaluru police has registered an FIR against commonwealth gold medallist and international badminton player Lakshya Sen for allegedly falsifying his age.https://t.co/wWhNvxBkzy
— Express Bengaluru (@IEBengaluru) December 2, 2022
प्रशिक्षकाने हे आरोप फेटाळून लावले
लक्ष्य सेन हा पुरुष एकेरीत जगातील सहाव्या क्रमांकाचा खेळाडू आहे. गेल्या २ वर्षांत त्याने देशासाठी प्रत्येक मोठ्या स्पर्धेत पदके जिंकली आहेत. जागतिक बॅडमिंटन फेडरेशननुसार, १६ ऑगस्ट २००१ रोजी जन्मलेला लक्ष्य सध्या २१ वर्षांचा आहे. त्याचवेळी स्टार शटलरचे प्रशिक्षक विमल कुमार यांनी हे आरोप फेटाळून लावले आहेत. ते म्हणाले, “‘मला माहीत नाही की तक्रारदाराने कोणते आरोप केले आहेत? यात माझी कोणतीही भूमिका नाही. लक्ष्य २०१० मध्ये माझ्या अकादमीत आला आणि मी त्याला इतर मुलांप्रमाणे प्रशिक्षण दिले. कोणी काय म्हणतो याने आम्हाला काही फरक पडत नाही.”