IPL 2023 CSK vs SRH MS Dhoni : चेन्नई सुपर किंग्स आणि सनरायझर्स हैदराबाद यांच्यातील सामना आज म्हणजेच 21 एप्रिल रोजी एमए चिदंबरम स्टेडियमवर होणार आहे, मात्र हा सामना सुरू होण्यापूर्वीच चाहत्यांसाठी एक वाईट बातमी समोर येत आहे. वास्तविक, CSK कर्णधार महेंद्रसिंह धोनीच्या उपलब्धतेबद्दल बरीच अटकळ आहे. धोनी गुडघ्याच्या दुखापतीने त्रस्त आहे आणि चेन्नईतील शेवटच्या सामन्यात तो अस्वस्थ दिसत होता हे कोणापासून लपून राहिलेले नाही. चेन्नईच्या शेवटच्या सामन्यातही त्याच्या समावेशाबाबत अटकळ होती, पण तो खेळला. अशा परिस्थितीत गुडघ्याच्या दुखापतीमुळे धोनीच्या सनरायझर्स हैदराबादविरुद्ध खेळण्याची शक्यता कमी आहे. अलीकडे, धोनी डेव्हॉन कॉनवेला विकेटकीपिंगचा सराव देताना दिसला, त्यामुळे तो आजचा सामना खेळणार नाही, अशी चर्चा रंगत आहे.
चेन्नई सुपर किंग्जला संपूर्ण स्पर्धेत दुखापतींना सामोरे जावे लागले आहे. संघाचे 7 खेळाडू दुखापतग्रस्त झाले आहेत. स्टार अष्टपैलू बेन स्टोक्सच्या उपलब्धतेमुळे चेन्नई संघात उत्साह आहे. पण स्टोक्स उपलब्ध असूनही त्याला शुक्रवारी सुपर किंग्जच्या सामन्याला मुकावे लागू शकते. दीपक चहर आणि सिसांडा मगाला अद्याप अनुपलब्ध आहेत. अशा परिस्थितीत लाइन-अपमध्ये इतर कोणताही बदल शक्य दिसत नाही.
Devon Conway during today's practice session 🧤#CSK pic.twitter.com/hjCaZGoBoH
— Chakri Dhoni (@ChakriDhoni17) April 19, 2023
Devon Conway closely observing MS Dhoni Wicket-keeping.pic.twitter.com/jpxSj3WNWD
— CricketGully (@thecricketgully) April 19, 2023
हेही वाचा – Health : जेवताना पाणी पिणे चांगले की वाईट? अॅसिडिटी होते? वजन वाढते? जाणून घ्या!
सोशल मीडियावर व्हायरल होत असलेल्या फोटोमध्ये डेव्हॉन कॉनवे विकेटकीपिंग ड्रिलमधून जाताना दिसत आहे. या विकेटकीपिंग ड्रिलमध्ये फक्त धोनीच त्याला ट्रेनिंग देताना दिसत आहे. कॉनवेने स्पर्धेत शानदार फलंदाजी केली आहे.
सनरायझर्स हैदराबाद विरुद्ध चेन्नईची संभाव्य प्लेइंग इलेव्हन
डेव्हॉन कॉनवे, ऋतुराज गायकवाड, अजिंक्य रहाणे, मोईन अली, शिवम दुबे, अंबाती रायुडू, रवींद्र जडेजा, महेंद्रसिंह धोनी, महिष थिक्षणा, मथिशा पाथिराना, तुषार देशपांडे.
इम्पॅक्ट प्लेअर : आकाश सिंह.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!