Ravichandran Ashwin On Fan Armies : भारतीय क्रिकेटमध्ये सध्या सोशल मीडियावर वाढत चाललेल्या “फॅन आर्मी” आणि सुपरस्टार संस्कृतीवर माजी फिरकीपटू Ravichandran Ashwin ने जोरदार टीका केली आहे. प्रत्येक खेळाडू आता स्वतःचा ‘ब्रँड’ उभारण्यात गुंतला असून, त्यासाठी सोशल मीडियावर ठरवून मतप्रवाह तयार केले जात असल्याचा संशय त्याने व्यक्त केला.
“फॅन वॉर्स हा एक ‘रोग’ बनलाय” – अश्विन
कोलकाता येथे झालेल्या Revsportz Conclave मध्ये बोलताना अश्विन म्हणाला की, सोशल मीडियावर दिसणारी अनेक मतं ही त्याने आधीच संघाच्या आत ऐकलेली आहेत. त्याने स्पष्ट शब्दांत सांगितले, “सध्या एक प्रकारचा ‘रोग’ पसरतो आहे. सोशल मीडियावर फॅन आर्मीमार्फत जे मतप्रवाह दिसतात, तीच मतं मी आधी संघाच्या चर्चांमध्ये ऐकली आहेत. नंतर तीच मतं वेगळ्या नावाने ऑनलाइन दिसतात, हे चिंताजनक आहे.”
खेळाडू स्वतःच ‘नॅरेटिव्ह’ तयार करत आहेत का?
अश्विनने थेट आरोप केला नसला तरी, काही खेळाडू स्वतःच्या ब्रँड व्हॅल्यू वाढवण्यासाठी अशा मतप्रवाहांना चालना देत असावेत, अशी शक्यता त्याने व्यक्त केली. “आज प्रत्येक खेळाडू हा उद्योजक बनला आहे. सोशल मीडियावर मतप्रवाह निर्माण केल्याने ब्रँड व्हॅल्यू वाढते. पण दुसऱ्या खेळाडूबद्दल वाईट बोलणे मी कधीच करणार नाही,” असे त्याने ठामपणे सांगितले.
हेही वाचा – महाराष्ट्रात उकाड्याचा कहर! मराठवाड्यात वादळी पावसाचा इशारा, हवामानात मोठा बदल?
Shubman Gill प्रकरणामुळे वाढला वाद
अश्विनने नुकतेच शुबमन गिलच्या बाद होण्याच्या पद्धतीवर तांत्रिक विश्लेषण केले होते. मात्र, त्यावर सोशल मीडियावर प्रचंड टीका झाली. “मी नेहमी ‘काय’ आणि ‘का’ यावर बोलतो, ‘कोण’ यावर नाही. पण लगेच तुलना सुरू झाली—फक्त गिलच का? इतरांवर का नाही? लोक माझे काम समजून घेत नाहीत,” असे अश्विन म्हणाला.
क्रिकेटपेक्षा ‘नॅरेटिव्ह’ महत्त्वाचा?
अश्विनने सध्याच्या क्रिकेट संस्कृतीवरही नाराजी व्यक्त केली. “आपण खेळाडूंना सुपरहिरो बनवतो आहोत. सिनेमासारखी प्रतिमा तयार केली जाते. पण आता क्रिकेटबद्दल कोणी बोलतच नाही,” अशी खंत त्याने व्यक्त केली.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा