Ravichandran Ashwin : आंतरराष्ट्रीय क्रिकेट व्यतिरिक्त, भारताचा अनुभवी फिरकी गोलंदाज रवीचंद्रन अश्विनची अलीकडच्या काळात आयपीएलमध्येही उत्कृष्ट कामगिरी आहे. त्याने राजस्थान रॉयल्ससाठी जबरदस्त गोलंदाजी केली आणि संघाच्या यशात महत्त्वपूर्ण योगदान दिले. अश्विन आयपीएलमध्ये 5 संघांसाठी खेळला आहे. त्याने 2008 ते 2015 पर्यंत चेन्नई सुपर किंग्ज (CSK) ची जर्सी परिधान केली होती. त्यानंतर तो वेगवेगळ्या संघांकडून खेळत राहिला. आता अश्विन पुन्हा एकदा CSK गटात परतला आहे.
अश्विन सध्या राजस्थान रॉयल्सचा खेळाडू म्हणून सदस्य आहे आणि संघाने त्याला अद्याप सोडलेले नाही. दरम्यान, अश्विनला चेन्नई सुपर किंग्जकडून एक मोठी ऑफर मिळाली जी तो नाकारू शकला नाही. तो पुन्हा एकदा त्याच्या जुन्या टीमशी जोडला गेला आहे. मात्र, अश्विन अद्याप खेळाडूच्या भूमिकेत परतलेला नाही. संघाची मालकी असलेल्या इंडिया सिमेंट्स या कंपनीने त्याला नवी जबाबदारी दिली आहे.
RAVICHANDRAN ASHWIN IS BACK IN INDIA CEMENTS….!!!!
— Johns. (@CricCrazyJohns) June 5, 2024
Ashwin will play a major role in guiding the CSK high performance centre & Super Kings academics. [Sportstar] pic.twitter.com/bFP4J9lLsj
हेही वाचा – एअर इंडियाने सुरू केली ‘फेअर लॉक’ सुविधा, आता प्रवाशांना स्वस्त दरात तिकिटे!
अश्विनकडे चेन्नई सुपर किंग्जचे हाय परफॉरमन्स सेंटर सांभाळण्याची जबाबदारी आली आहे. आयपीएल 2025 सीझनच्या सुरुवातीपर्यंत हे केंद्र पूर्णपणे कार्यान्वित होण्याची अपेक्षा आहे, अश्विनने त्याच्या विकासात महत्त्वाची भूमिका बजावली आहे. तामिळनाडूमध्ये CSK च्या अनेक अकादमी आहेत. मुख्य संघाव्यतिरिक्त, हाय-परफॉर्मन्स सेंटर अकादमीच्या खेळाडूंवरही लक्ष ठेवेल.
इंडिया सिमेंट्समध्ये परतल्यावर अश्विन म्हणाला, “खेळ पुढे नेणे आणि क्रिकेट जगतात योगदान देणे हे माझे प्राथमिक ध्येय आहे. ज्या ठिकाणी हे सर्व माझ्यासाठी सुरू झाले त्या ठिकाणी परत आल्याने मला खूप आनंद झाला आहे.” CSK चे CEO काशी विश्वनाथन देखील या अश्विनचे फ्रेंचायझीमध्ये पुन्हा सामील झाल्यामुळे खूप खूश आहेत.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा