IPL 2025 : दिल्ली कॅपिटल्सविरुद्धच्या सामन्यापूर्वी मुंबई इंडियन्सने संघात मोठे बदल केले आहेत. त्यांनी संघासाठी चांगली कामगिरी करणाऱ्या तीन परदेशी खेळाडूंऐवजी तीन अनुभवी क्रिकेटपटूंना संधी दिली आहे जे एमआयसाठी ट्रम्प कार्ड ठरू शकतात. यामध्ये इंग्लंडचे दोन आणि श्रीलंकेचा एक क्रिकेटपटू समाविष्ट आहे. संघातून वगळण्यात आलेल्या खेळाडूंनी या हंगामात खूप चांगला खेळ केला असला तरी, तरीही त्यांना संघातून वगळावे लागले. आता सर्वात मोठा प्रश्न असा आहे की रायन रिकल्टन, कॉर्बिन बॉश आणि विल जॅक्स चांगले खेळत असूनही त्यांना संघातून का वगळण्यात आले? तर यामागे एक मोठे कारण आहे.
मुंबई इंडियन्सचा यष्टीरक्षक-फलंदाज रायन रिकल्टन, अष्टपैलू कॉर्बिन बॉश आणि विल जॅक्स नॅशनल ड्युटीमुळे या हंगामात पुढील सामने खेळू शकणार नाहीत. वर्ल्ड टेस्ट चॅम्पियनशिपच्या अंतिम सामन्यात खेळणाऱ्या दक्षिण आफ्रिकेच्या संघात रायन रिकल्टन आणि कॉर्बिन बॉश यांचा समावेश आहे.
हेही वाचा – चमत्कार पाहून डॉक्टरही चकित, भाविकांची तुटलेली हाडे बरी करणारं हनुमानाचं मंदिर!
तर इंग्लंडचा अष्टपैलू खेळाडू विल जॅक्सचा वेस्ट इंडिजविरुद्धच्या एकदिवसीय मालिकेसाठी संघात समावेश करण्यात आला आहे. त्यामुळे, हे खेळाडू या हंगामात एमआयकडून खेळताना दिसणार नाहीत. त्यांच्या जागी, एमआयने इंग्लंडचा यष्टीरक्षक-फलंदाज जॉनी बेअरस्टो, रिचर्ड ग्लीसन आणि श्रीलंकेचा चरिथ अस्लंका यांना संघात समाविष्ट केले आहे.
इंग्लंडचा यष्टीरक्षक-फलंदाज जॉनी बेअरस्टोला एमआयच्या संघात एमआयचा अष्टपैलू विल जॅक्सच्या जागी स्थान देण्यात आले आहे. या हंगामाच्या मेगा लिलावात बेअरस्टो विकला गेला नाही पण त्याने काउंटी क्रिकेटमध्ये चमकदार कामगिरी केली आहे. याशिवाय इंग्लंडचा वेगवान गोलंदाज रिचर्ड ग्लीसनला यष्टीरक्षक फलंदाज रायन रिकल्टनच्या जागी संघात स्थान मिळाले आहे.
या हंगामात रिकल्टनने शानदार फलंदाजी केली. या हंगामात त्याने १२ डावांमध्ये ३३६ धावा केल्या. याशिवाय, अष्टपैलू कॉर्बिन बॉशच्या जागी चरिथ अस्लंकाला संघात स्थान देण्यात आले आहे. आता एमआयच्या आशा या तीन खेळाडूंवर आहेत की ते संघाला विजयाकडे घेऊन जातील.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!