Vaibhav Suryavanshi : भारतीय क्रिकेटच्या इतिहासात 14 वर्षांच्या वैभव सूर्यवंशीने अंडर-19 विश्वचषक फायनलमध्ये अशी कामगिरी केली, जी पुढील अनेक वर्षे आठवणीत राहील. इंग्लंडविरुद्धच्या अंतिम सामन्यात वैभवने फलंदाजीत अक्षरशः धुमाकूळ घातला आणि अविश्वसनीय 175 धावा अवघ्या 80 चेंडूंमध्ये फटकावल्या.
या ऐतिहासिक खेळीत वैभव सूर्यवंशीने 15 चौकार आणि 15 षटकार ठोकत गोलंदाजांची पुरती धुलाई केली. त्याचा स्ट्राइक रेट तब्बल 218.75 इतका होता. विशेष म्हणजे, वैभवने केवळ 53 चेंडूंमध्ये शतक पूर्ण करून अंडर-19 विश्वचषकाच्या इतिहासातील दुसऱ्या क्रमांकाचे सर्वात वेगवान शतक झळकावले.
Towering SIXES! 💥
— Star Sports (@StarSportsIndia) February 6, 2026
2nd Most 100s for IND in YODIs! 💯
Jaw-dropping strokeplay! 🤩
Vaibhav Sooryavanshi has completed his century & what an occasion to bring it up! 🇮🇳🫰🏻🙌🏻
ICC Men's #U19WorldCup | FINAL | #INDvENG | LIVE NOW 👉 https://t.co/ZFk8pN9tv3 pic.twitter.com/7eRy33zUXr
फायनलमधील सर्वाधिक धावांचा नवा विक्रम
ही खेळी अंडर-19 विश्वचषक फायनलमधील आजवरची सर्वोच्च वैयक्तिक धावसंख्या ठरली. याआधी हा विक्रम माजी भारतीय कर्णधार उन्मुक्त चंद याच्या नावावर होता. उन्मुक्तने 2012 मध्ये ऑस्ट्रेलियाविरुद्ध फायनलमध्ये नाबाद 112 धावा केल्या होत्या.
फायनलमध्ये शतक झळकावणारा तिसरा भारतीय
उन्मुक्त चंद आणि मनजोत कालरा (2018) यांच्यानंतर वैभव सूर्यवंशी हा अंडर-19 विश्वचषक फायनलमध्ये शतक करणारा तिसरा भारतीय फलंदाज ठरला आहे. एकूणच विश्वचषक इतिहासात हा पराक्रम करणारा तो सहावा खेळाडू आहे.
एका डावात सर्वाधिक षटकारांचा विक्रम
वैभवने या सामन्यात 15 षटकार ठोकून ऑस्ट्रेलियाच्या मायकेल हिल यांचा 2008 मधील 12 षटकारांचा विक्रम मोडीत काढला. यासोबतच, युवा एकदिवसीय सामन्यांमध्ये (Youth ODI) एका डावात सर्वाधिक षटकार मारण्याचा विक्रमही त्याच्या नावावर गेला आहे.
संपूर्ण स्पर्धेतील जबरदस्त कामगिरी
वैभव सूर्यवंशीने या अंडर-19 विश्वचषकात एकूण 439 धावा केल्या. त्याची सरासरी 62.71, तर स्ट्राइक रेट 169.49 इतका प्रभावी राहिला. संपूर्ण स्पर्धेत त्याने 1 शतक, 3 अर्धशतके आणि तब्बल 30 षटकार मारले—एका अंडर-19 विश्वचषकात सर्वाधिक षटकारांचा हा विक्रम आहे.
भारताचा सहावा विश्वचषक जिंकण्याचा निर्धार
या अंतिम सामन्यात भारताने नाणेफेक जिंकून प्रथम फलंदाजी करण्याचा निर्णय घेतला. सहाव्या अंडर-19 विश्वचषक विजेतेपदासाठी भारतीय संघ मैदानात उतरला असून, वैभव सूर्यवंशीच्या ऐतिहासिक खेळीमुळे सामना पूर्णपणे भारताच्या बाजूने झुकलेला दिसून आला.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा