World Cup 2023 PAK vs SL In Marathi : आयसीसी एकदिवसीय विश्वचषकात पाकिस्तान आणि श्रीलंका यांच्यातील सामन्यात फलंदाजांनी वर्चस्व गाजवले. श्रीलंकेच्या दोन स्फोटक फलंदाजांनी शतके केली. तर प्रत्युत्तरात पाकिस्तानच्या युवा फलंदाजाने विश्वचषकाच्या पहिल्याच सामन्यात शतक झळकावून खळबळ उडवून दिली. पाकिस्तानचा संघ श्रीलंकेसमोर 345 धावांचा पाठलाग करण्यासाठी मैदानात उतरला.
आयसीसी एकदिवसीय विश्वचषकाच्या पहिल्या सामन्यात पाकिस्तान क्रिकेट संघाने नेदरलँड्सविरुद्ध विजय मिळवला. दुसऱ्या सामन्यात श्रीलंकेच्या फलंदाजांनी धावा केल्या आणि 50 षटकांत 9 गडी गमावून 344 धावांपर्यंत मजल मारली. लक्ष्याचा पाठलाग करताना पाकिस्तान संघाची सुरुवात चांगली झाली नाही आणि एकापाठोपाठ दोन गडी बाद झाले. सलामीवीर इमाम उल हकने 12 धावा केल्या तर कर्णधार बाबर आझम अवघ्या 10 धावा करून परतला.
हेही वाचा – Gold Silver Price Today In Marathi : सोन्या-चांदीच्या दरात उसळी! वाचा आजचा भाव
शफीकचे शतक (World Cup 2023 PAK vs SL)
पाकिस्तान क्रिकेट संघाचा सलामीवीर अब्दुल्ला शफीकने विश्वचषकातील आपल्या पहिल्याच सामन्यात सर्वांना आपले फॅन बनवले. फखर जमानच्या सततच्या खराब फॉर्मनंतर कर्णधार बाबर आझमने त्याच्या जागी या 23 वर्षीय तरुणाला प्लेइंग इलेव्हनमध्ये संधी दिली. संकटात सापडलेल्या पाकिस्तानसाठी त्याने मोहम्मद रिझवानच्या साथीने केवळ डाव सांभाळला नाही तर शानदार फलंदाजी करत शतकही केले.
शफीकची वनडेतील सर्वात मोठी खेळी (Abdullah Shafique Century)
विश्वचषकाच्या दुसऱ्या सामन्यात पाकिस्तानकडून सलामीला आलेल्या शफीकने 58 चेंडूत 4 चौकार आणि 1 षटकाराच्या मदतीने पन्नास धावा पूर्ण केल्या. यादरम्यान त्याने एकदिवसीय क्रिकेटमधील सर्वोच्च 52 धावा मागे टाकल्या. केवळ 4 वनडे खेळलेल्या शफिकने 5व्या सामन्यातच शतक झळकावले.
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!