Gold Silver Price Today : तुम्हालाही सोने, चांदी किंवा त्याचे दागिने खरेदी करायचे असतील तर तुमच्यासाठी एक आनंदाची बातमी आहे. आज पुन्हा एकदा सोन्या-चांदीच्या दरात घसरण पाहायला मिळत आहे. या व्यावसायिक आठवड्याच्या चौथ्या दिवशी गुरुवारी सोन्याच्या दरात प्रति १० ग्रॅम १९९ रुपयांची घसरण पाहायला मिळत आहे. तर चांदीचा भाव ६९३ रुपये प्रति किलोच्या दराने घसरताना दिसत आहे. यानंतर आज सोन्याचा भाव ५६१९७ रुपये प्रति १० ग्रॅम आणि चांदी ६५२९३ रुपये प्रति किलोवर आली. MCX आणि आंतरराष्ट्रीय बाजारातील सोन्या-चांदीचे दर करमुक्त आहेत, त्यामुळे देशातील बाजारातील दरांमध्ये तफावत आहे.
इंडियन बुलियन ज्वेलर्स असोसिएशन (IBJA) च्या वेबसाइटनुसार, आज (२३ फेब्रुवारी २०२३), सोने (गोल्ड प्राइस टुडे) प्रति दहा ग्रॅम १९९ रुपयांनी स्वस्त झाले आहे आणि ५६१९७ रुपये प्रति दहा ग्रॅमवर व्यवहार करत आहे. तर बुधवारी शेवटच्या व्यवहाराच्या दिवशी सोन्याचा भाव ११२ रुपये प्रति १० ग्रॅमने महागला आणि ५६४९६ रुपये प्रति १० ग्रॅमच्या पातळीवर बंद झाला.
हेही वाचा – Hyundai Creta : फक्त ८ लाखात मिळतेय ह्युंदाई क्रेटा..! नंबर प्लेटही मिळेल हातात
दुसरीकडे, चांदी आज ६९३ रुपयांनी घसरून ६५२९३ रुपये प्रति किलोच्या पातळीवर व्यवहार करत आहे. बुधवारी शेवटच्या व्यवहाराच्या दिवशी चांदीचा भाव २१६ रुपयांनी वाढून ६५९८६ रुपये प्रति किलोवर बंद झाला.
सद्यस्थितीत सोने २६८५ रुपयांनी प्रति १० ग्रॅमने स्वस्त विकले जात आहे. यापूर्वी २ फेब्रुवारी २०२३ रोजी सोन्याने सर्वकालीन उच्चांक गाठला होता. त्यावेळी सोन्याचा भाव ५८८८२ रुपये प्रति दहा ग्रॅमच्या पातळीवर गेला होता. दुसरीकडे, चांदी १४६०० रुपये प्रति किलो दराने त्याच्या सर्वोच्च पातळीपेक्षा स्वस्त होत आहे. चांदीचा आतापर्यंतचा उच्चांक ७९९८० रुपये प्रति किलो आहे.
१४ ते २४ कॅरेट सोन्याचा भाव
अशाप्रकारे गुरुवारी (२३ फेब्रुवारी) २४ कॅरेट सोने ५६१९७ रुपये, २३ कॅरेट सोने ५५९७२ रुपये प्रति, २२ कॅरेट सोने ५१४७७ रुपये, १८ कॅरेट १० ४२१४८ रुपये आणि १४ कॅरेट सोने अंदाजे ३२८७५ रुपयांच्या पातळीवर व्यवहार करत आहे.