Gold Silver Price Today : भारतीय सराफा बाजारात आज (मंगळवार) २८ फेब्रुवारीला सकाळी सोन्याच्या दरात किंचित वाढ झाली आणि चांदीच्या दरात घट झाली. मात्र, सोने ५५ हजारांच्या वर तर चांदी ६३ हजारांच्या पुढे कायम आहे. नवीनतम दरांबद्दल बोलायचे झाल्यास, ९९९ शुद्धता असलेल्या दहा ग्रॅम सोन्याची किंमत ५५६६९ रुपयांपर्यंत वाढली आहे, तर ९९९ शुद्धतेसह एक किलो चांदीची किंमत ६३०७३ रुपयांना विकली जात आहे.
ibjarates.com या अधिकृत वेबसाइटनुसार, २८ फेब्रुवारीला सकाळी ९९५ शुद्धतेच्या १० ग्रॅम सोन्याची किंमत ५५४४६ रुपयांवर गेली आहे. त्याचवेळी ९१६ शुद्धतेच्या सोन्याची किंमत आज ५०९९३ रुपये आहे. याशिवाय ७५० शुद्धतेच्या सोन्याचा भाव ४१७५२ रुपये राहिला आहे. तर ५८५ शुद्धतेचे सोने ३२५६६ रुपये राहिले. याशिवाय ९९९ शुद्धतेचा एक किलो चांदीचा भाव आज ६३०७३ रुपयांवर आला आहे.
हेही वाचा – Aadhaar Card : आधार कार्ड वापरून तुम्ही करू शकता बँकेचे ‘हे’ काम..! बहुतेक लोकांना माहीत नाही
सकाळी आणि संध्याकाळी सोन्या-चांदीच्या दरात बदल दिसून येत आहेत. सकाळच्या ताज्या अपडेटनुसार, ९९९ शुद्धतेचे १० ग्रॅम सोने आदल्या दिवशीच्या तुलनेत आज सकाळी ३ रुपयांनी महागले आहे. त्याचबरोबर ९९५ आणि ९१६ शुद्धतेचे सोनेही ३ रुपयांनी, ७५० शुद्धतेचे सोने २ रुपयांनी आणि ५८५ शुद्धतेचे सोने १ रुपयांनी महागले आहे. दुसरीकडे, एक किलो चांदीच्या दराबाबत बोलायचे झाले तर, आज तो ३७३ रुपयांनी स्वस्त झाला आहे.
२४, २२, २१, १८ आणि १४ कॅरेटमध्ये काय फरक आहे?
२४ कॅरेट सोन्याला शुद्ध सोने म्हटले जाते. त्यात इतर कोणत्याही धातूची भेसळ नाही. त्याला ९९.९ टक्के शुद्धतेचे सोने म्हटले जाते. २२ कॅरेट सोन्यात ९१.६७ टक्के शुद्ध सोने असते. आणखी ८.३३ टक्के इतर धातूंचा समावेश आहे. २१ कॅरेट सोन्यात ८७.५ टक्के शुद्ध सोने असते. १८ कॅरेटमध्ये ७५ टक्के शुद्ध सोने असते आणि १४ कॅरेट सोन्यामध्ये ५८.५ टक्के शुद्ध सोने असते.
मिस्ड कॉलद्वारे जाणून घ्या सोन्या-चांदीची किंमत
केंद्र सरकारने जाहीर केलेल्या सुट्ट्यांव्यतिरिक्त शनिवार आणि रविवारी ibja द्वारे दर जारी केले जात नाहीत. २२ कॅरेट आणि १८ कॅरेट सोन्याच्या दागिन्यांचा किरकोळ दर जाणून घेण्यासाठी तुम्ही 8955664433 वर मिस कॉल करू शकता. थोड्याच वेळात एसएमएसद्वारे दर प्राप्त होतील. याशिवाय तुम्ही सतत अपडेट्सच्या माहितीसाठी www.ibja.com ला भेट देऊ शकता.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!