HanuMan Teaser : तेलुगू चित्रपटसृष्टीतील प्रसिद्ध दिग्दर्शक-पटकथा लेखक प्रशांत वर्मा पुन्हा एकदा ‘हनुमान’च्या रूपाने एक धमाल चित्रपट घेऊन येत आहेत. या चित्रपटाचा टीझर रिलीज झाला आहे, जो खूपच जबरदस्त आहे. चित्रपटाचा VFX अप्रतिम आहे. सोशल मीडियावर यूजर्स या टीझरचे जोरदार कौतुक करत आहेत. विशेष म्हणजे ‘हनुमान’ चित्रपटाचा टीझर रिलीज होताच सोशल मीडियावर पुन्हा एकदा प्रभासच्या ‘आदिपुरुष’ची चर्चा सुरू झाली आहे. नेटकरी ‘हनुमान’ची तुलना ‘आदिपुरुष’शी करत आहेत.
‘हनुमान’ चित्रपटाचा टीझर गूजबम्प्स देणार आहे. टीझरच्या सुरुवातीला मंत्र ऐकू येतो. रामाच्या नावाचा प्रतिध्वनी होतो आणि पडद्यावर भगवान हनुमानाची मोठी मूर्ती दिसते. पार्श्वभूमीतून एक आवाज म्हणतो, ‘अथांग महासागर के गर्भ में तीनों लोक में, सबसे बलशाली महावीर हनुमान का रक्तरदन सहस्त्र वर्षों से प्रतीक्षा में है’.
हेही वाचा – Earthquake : लडाखच्या कारगिलमध्ये भूकंपाचे धक्के..! केंद्रबिंदू चीनमध्ये
यानंतर हातात गदा घेऊन अभिनेता तेजा सज्जाची एन्ट्री मस्त शैलीत झाली आहे. टीझरमध्ये बर्फापासून बनवलेले शिवलिंग दाखवण्यात आले आहे, ज्यामध्ये भगवान हनुमानाची झलक आहे. पार्श्वभूमीतून रामाचे नाव ऐकू येते. मूळतः तेलुगूमध्ये बनलेला हा चित्रपट संपूर्ण भारतात पाहता येईल. या चित्रपटाचा टीझरही हिंदीत रिलीज करण्यात आला आहे. टीझर रिलीज होताच सोशल मीडियावर पुन्हा एकदा ‘आदिपुरुष’ची चर्चा सुरू झाली आहे. यूजर ‘आदिपुरुष’ पेक्षा ‘हनुमान’ च्या टीझरला चांगले नंबर देताना दिसत आहेत. ‘हनुमान’ बॉक्स ऑफिसवर धमाका करणार असल्याचा दावा यूजर्स करत आहेत.
#Hanuman Budget – 12Cr 🔥#Adipurush Budget – 600 cr 😂
.#PrashanthVarma #Prabhas #HanuManTeaser #OmRaut pic.twitter.com/JCOmBcmwCT— raJ🥀✨ (@iamrjstark) November 21, 2022
Next Big Thing In INDIA CINEMA 🔥#HanuMan #HanuManTeaser pic.twitter.com/GDYngcNOZs
— Psychedelic (@DhoolpetDoolraj) November 21, 2022
‘हनुमान’ चित्रपटात तेजा सज्जा, अमृता अय्यर, वरलक्ष्मी सरथकुमार महत्त्वाच्या भूमिकेत दिसणार आहेत. याशिवाय राज दीपल शेट्टी, विनय राय, सत्या हे स्टार्सही दिसणार आहेत. या चित्रपटाचे दिग्दर्शन प्रशांत वर्मा यांनी केले आहे. त्याची निर्मिती निरंजन रेड्डी करत आहेत. या चित्रपटाच्या टीझरने खळबळ उडवून दिली आहे. चाहते आता त्याच्या ट्रेलरची वाट पाहत आहेत.