India Corruption Index 2025 : जागतिक स्तरावर प्रसिद्ध झालेल्या नवीन भ्रष्टाचार निर्देशांक अहवालात भारतासाठी काही प्रमाणात सकारात्मक चित्र समोर आले आहे. 2024 च्या तुलनेत 2025 मध्ये भारतातील भ्रष्टाचाराच्या स्थितीत थोडी सुधारणा झाल्याचे नमूद करण्यात आले आहे. या अहवालात 180 देशांचा समावेश असून, भारत सध्या 91व्या क्रमांकावर आहे.
अहवालानुसार, जगातील सर्वात कमी भ्रष्टाचार असलेला देश म्हणून डेनमार्क अव्वल ठरला आहे. तर दक्षिण सूडान आणि सोमालिया हे सर्वाधिक भ्रष्टाचार असलेले देश म्हणून नोंदले गेले आहेत.
भारताची रँकिंग सुधारली, पण धोका कायम
गेल्या तीन वर्षांत भारताच्या क्रमांकात काही प्रमाणात सुधारणा दिसून आली आहे. 2023 मध्ये भारत 93व्या स्थानावर होता. त्यानंतरच्या वर्षांत क्रमांकात थोडी वाढ होत सध्या भारत 91व्या स्थानावर पोहोचला आहे. भारताचा निर्देशांक गुण 39 आहे, जो अद्याप चिंताजनक मानला जातो.
अहवालात सुधारणा कशामुळे झाली याबाबत तपशीलवार कारणे नमूद करण्यात आलेली नाहीत. मात्र तज्ज्ञांच्या मते, प्रशासनातील पारदर्शकता आणि काही सुधारात्मक उपाययोजना यांचा यात प्रभाव असू शकतो.
अमेरिका आणि युरोपमध्ये घसरण
युरोपमधील अनेक देशांमध्ये भ्रष्टाचाराच्या निर्देशांकात घसरण दिसून आली आहे. ब्रिटन, फ्रान्स आणि इटली या देशांच्या गुणांमध्ये घट झाली आहे. युरोपमध्ये जर्मनी हा एकमेव देश आहे ज्याच्या निर्देशांकात सुधारणा झाली आहे.
अमेरिकेच्या क्रमांकातही घसरण नोंदवली गेली आहे. 2024 मध्ये अमेरिका 28व्या स्थानावर होती, तर आता ती 29व्या क्रमांकावर आली आहे.
चीनची स्थिती स्थिर
चीनचा निर्देशांक गुण 43 वर कायम असून, त्याची जागतिक क्रमवारी 76वी आहे. भ्रष्टाचार कमी करण्याच्या प्रयत्नांनंतरही चीनमध्ये अपेक्षित सुधारणा दिसून आलेली नाही.
सर्वेक्षणाचे प्रमुख निकष
हा जागतिक अहवाल तयार करताना पुढील प्रमुख घटकांचा विचार करण्यात आला आहे:
- राजकीय निधी आणि देणग्या
- शासकीय संस्थांची पारदर्शकता
- सेवा मिळवण्यासाठी अनधिकृत देयके
- पत्रकार आणि माध्यमांवरील दबाव
जागतिक आव्हाने आणि इशारा
अहवालात जागतिक राजकीय स्पर्धा, सशस्त्र संघर्ष आणि हवामान संकट यामुळे आंतरराष्ट्रीय व्यवस्थेवर दबाव वाढल्याचे नमूद करण्यात आले आहे. समाजातील ध्रुवीकरणही वाढत असून, मजबूत आणि स्वतंत्र संस्थांची आवश्यकता अधिक अधोरेखित करण्यात आली आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा