RBI Diwali Gift : साल 2025 हे भारतीय सामान्य नागरिकांसाठी आर्थिकदृष्ट्या दिलासादायक ठरत आहे. केंद्र सरकारने जिथे 12 लाख रुपयांपर्यंतच्या उत्पन्नावर करमुक्ती जाहीर केली, तिथेच रिझर्व बँक ऑफ इंडियाने (RBI) फेब्रुवारी, एप्रिल आणि जूनमधील पतधोरण बैठकीत व्याजदरांमध्ये सातत्याने कपात केली. यामुळे होम लोन, पर्सनल लोनसारखी कर्जे स्वस्त झाली. त्याचवेळी GST परिषदेने अप्रत्यक्ष करांमध्ये मोठा बदल करत घरगुती गरजांचे सामान आणि इतर सेवांचे दर कमी केले.
आरबीआयकडून दिवाळीआधी काय गिफ्ट मिळणार?
1 ऑक्टोबर 2025 रोजी आरबीआयची पतधोरण बैठक होणार आहे आणि अनेक अर्थतज्ज्ञांच्या अंदाजानुसार यावेळी RBI कोणताही बदल करणार नाही. रॉयटर्सने केलेल्या सर्वेक्षणात 61 पैकी 45 अर्थतज्ज्ञांनी सांगितले की, RBI रेपो दर 5.50 टक्क्यांवरच स्थिर ठेवेल.
RBI का करत नाही व्याजदरात कपात?
- मागील कपातींचा परिणाम अजूनही अर्थव्यवस्थेवर पूर्णपणे स्पष्ट नाही.
- प्रचंड सरकारी खर्चामुळे आर्थिक वाढ दर 7.8% वर पोहचली असली तरी खासगी गुंतवणूक मंदावली आहे.
- चलनवाढ नियंत्रणात असली तरी रुपया डॉलरच्या तुलनेत कमकुवत झाला आहे, त्यामुळे आयात महाग झाली आहे.
हेही वाचा – IPL सोडून आता ऑस्ट्रेलियात धुमाकूळ, अश्विननं BCCI लाच चकित केलं
तज्ज्ञांचं मत काय?
केनरा बँकेचे प्रमुख अर्थतज्ज्ञ माधवनकुट्टी यांनी सांगितले की, “RBI आधीच स्पष्ट संकेत देत आहे की फक्त व्याजदर कपात करून विकास दर वाढणार नाही. अजून खासगी गुंतवणूक सुरू झालेली नाही, पगारवाढ स्थिर आहे आणि नोकरीची शाश्वतीही नाही.”
पुढे काय?
- 1 ऑक्टोबरच्या बैठकीत RBI दर स्थिर ठेवण्याची शक्यता प्रबळ आहे.
- यावर्षी अखेरपर्यंत किंवा 2025 च्या उत्तरार्धापर्यंत रेपो दरात कोणताही बदल होण्याची शक्यता फारच कमी आहे.
मग दिवाळी गिफ्ट काय असेल? — स्थिर व्याजदरामुळे लोन घेतलेल्या ग्राहकांना दिलासा मिळेल. नवीन कर्ज घेणाऱ्यांसाठी थोडा ताण कायम राहणार.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा