प्रेग्नन्सीदरम्यान किती वेळा सोनोग्राफी करावी? ‘ही’ गोष्ट बाळासाठी ठरू शकते धोकादायक!

Ultrasound and Sonography Test : गर्भधारणेदरम्यान वारंवार अल्ट्रासाऊंड बाळाला हानी पोहोचवू शकतात? जाणून घ्या सोनोग्राफी का आणि किती वेळा आवश्यक 

गर्भधारणेदरम्यान अल्ट्रासाऊंड किंवा सोनोग्राफीबाबत अनेक प्रकारचे प्रश्न विचारले जातात. सर्वात सामान्य प्रश्न असा आहे की गर्भधारणेदरम्यान अल्ट्रासाऊंडमुळे बाळाला काही नुकसान होऊ शकते का? अल्ट्रासाऊंड का केले जाते आणि ते किती वेळा केले जाते? चला समजून घेऊया.

गर्भधारणेदरम्यान अल्ट्रासाऊंड किंवा सोनोग्राफी का केली जाते? 

बाळाचा सर्वांगीण विकास जाणून घेण्यासाठी गर्भधारणेदरम्यान अल्ट्रासाऊंड किंवा सोनोग्राफी (Ultrasound and Sonography Test) केली जाते. डॉक्टरांच्या मते, गरोदरपणात सोनोग्राफी खूप महत्त्वाची असते. हे बाळाचे वय, त्याचा विकास, त्याचे आरोग्य दर्शवते. याशिवाय अशा अनेक गोष्टी सोनोग्राफीद्वारे माहीत होतात, ज्या गर्भधारणेदरम्यान जाणून घेणे खूप गरजेचे आहे.

हेही वाचा – Rahu Gochar : २०२३ मध्ये ‘या’ राशींच्या लोकांना धनलाभ, कोणाचे नशीब खुलणार? जाणून घ्या…

गर्भधारणेदरम्यान अल्ट्रासाऊंड किती वेळा केले जाते? 

साधारणपणे गर्भधारणेदरम्यान ४-५ वेळा अल्ट्रासाऊंड किंवा सोनोग्राफी केली जाते. डॉक्टरांच्या मते, अनेक गर्भधारणेमध्ये ४ ते ५सोनोग्राफीमध्ये जवळपास सर्व काही आढळून येते, परंतु काहीवेळा उच्च जोखमीच्या गरोदरपणात सोनोग्राफीची जास्त वेळा गरज भासू शकते.

गर्भधारणेदरम्यान अल्ट्रासाऊंड किंवा सोनोग्राफीमुळे बाळाला इजा होऊ शकते का?

वैद्यकीय सल्यानुसार अल्ट्रासाऊंड बाळाला हानी पोहोचवू शकते का? याला एक साधे उत्तर आहे, नाही, का? अल्ट्रासाऊंड किंवा सोनोग्राफी पूर्णपणे सुरक्षित आहे आणि ती ४० वर्षांहून अधिक काळ केली जात आहे.  सोनोग्राफी ही मुळात ध्वनी लहरी असल्याचे सांगतात. यामुळे मुलाचे अजिबात नुकसान होत नाही. ते पूर्णपणे सुरक्षित आहे.