Dental Implant Restores Hearing : गुजरातमधील सुरत येथील एक अचंबित करणारा वैद्यकीय प्रकार चर्चेचा विषय ठरला आहे. ६३ वर्षांच्या जैबुन्निशा एम. यांना पूर्ण तोंडाच्या रीकन्स्ट्रक्शन आणि डेंटल इम्प्लांट केल्यानंतर १० वर्षांनी परत ऐकू येऊ लागले!
डेंटल इम्प्लांट केल्यानंतर परत ऐकू येऊ लागले!
जैबुन्निशा यांना टेम्पोरोमैन्डिबुलर जॉइंट रिहॅबिलिटेशन व नर्व डीकम्प्रेशनसारख्या क्लिष्ट डेंटल प्रोसीजर्स करण्यात आल्या. या प्रक्रियेनंतर त्यांच्या कर्णशक्तीत जबरदस्त सुधारणा दिसून आली, तीही त्यांच्या कॉक्लियर इम्प्लांट सर्जरी आधीच!
डॉक्टर नवरा आश्चर्यचकित, मुली आनंदित!
जैबुन्निशा यांचे पती अब्बास हे स्वतः डॉक्टर असून त्यांनी हा अनुभव “दैवी चमत्कार” म्हटला. त्यांच्या मुली तहजीब, जी रेडियोलॉजिस्ट आहे, ती म्हणते, “आई आता आमच्याशी पुन्हा संवाद साधते, हे आमच्यासाठी मोठं समाधान आहे.”
डॉक्टरांचं काय म्हणणं आहे?
डॉ. ऋषी भट्ट, जे डेंटल इम्प्लांट स्पेशलिस्ट आहेत, त्यांचं म्हणणं आहे की डेंटल वर्क दरम्यान कानाशी निगडीत नर्व्सचं डीकम्प्रेशन झालं असावं आणि त्यामुळे ऐकण्याची क्षमता वाढली असावी. ईएनटी सर्जन डॉ. अशरफ मास्टर यांनी त्यांच्या ऑडिओ टेस्टमध्ये “सकारात्मक आणि धक्कादायक” सुधारणा असल्याचं सांगितलं.
खरंच डेंटल इम्प्लांटमुळे ऐकू येऊ शकतं?
हा केस अपवादात्मक असला तरी वैज्ञानिक दृष्टिकोनातून महत्त्वाचा आहे. हाडांमधून ध्वनी कंपन कानात पोहचवण्याच्या क्षमतेमुळे काही बोन-अँकर्ड हियरिंग एड्स मध्ये डेंटल इम्प्लांट्सचा उपयोग केला जातोय. जैबुन्निशा यांच्या केसमध्ये फुल माउथ रीकन्स्ट्रक्शन आणि नर्व डीकम्प्रेशन यांचा अनोखा संगम हा चमत्कार घडवणारा ठरला आहे, असा तज्ज्ञांचा विश्वास आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!