Car Loan : भारतीय ऑटोमोबाईल बाजार पुन्हा एकदा तेजीत असल्याचे दिसून येत आहे. कारची विक्रीही वाढली आहे. अशा परिस्थितीत बँका लोकांना सहज कार लोन देत आहेत आणि नवनवीन योजनाही देत आहेत. भारतातील ९० टक्क्यांहून अधिक लोक कार खरेदी करताना कर्ज घेतात आणि नंतर ईएमआयद्वारे त्याची परतफेड करतात. कार लोन घेताना, तुमची कार बँकेकडे हायपोथेकेटेड राहते. ही गोष्ट सोप्या शब्दात समजून घेतली तर ती एक प्रकारे बँकेकडे गहाणच राहते.
जेव्हा तुम्ही बँकेचे कर्ज फेडता तेव्हा तुम्हाला बँकेकडून एनओसी पत्र मिळते. हे नो ऑब्लिगेशन प्रमाणपत्र दाखवते की तुम्ही बँकेच्या कर्जाची पूर्ण परतफेड केली आहे आणि आता कारवर बँकेचा अधिकार नाही. पण तुम्हाला माहिती आहे का की फक्त एनओसी घेऊन चालणार नाही तर त्याआधी तुम्हाला एक गोष्ट करावी लागेल, अन्यथा तुम्ही खूप अडचणीत येऊ शकता.
कशी असते प्रोसेस?
बँकेचे कार लोन पूर्ण झाल्यानंतर तुम्हाला बँकेकडून एनओसी मिळते. या एनओसीची वैधता ३ ते ६ महिन्यांपर्यंत आहे. ही एनओसी आरटीओकडे सबमिट करून, तुम्हाला कारच्या आरसीमधून हायपोथेकेशन काढावे लागेल. म्हणजेच वाहनाच्या कागदपत्रांमधून बँकेचे नाव आणि कर्जाचा उल्लेख काढून टाकावा लागतो. हे काम अत्यंत महत्त्वाचे आहे. आता तुम्ही हे काम ऑनलाइनही सहज करू शकता. यासाठी तुम्हाला parivahan.gov.in वर तुमचे खाते तयार करावे लागेल. यानंतर, तुम्हाला वाहन संबंधित सेवांवर जाऊन हायपोथेकेशन टर्मिनेशनची प्रक्रिया पूर्ण करावी लागेल. यासाठी तुम्हाला बँक एनओसी आणि फॉर्म ३५ अपलोड करावा लागेल.
हेही वाचा – Indian Navy : १२वी पास उमेदवारांसाठी नोकरीची सुवर्णसंधी..! भारतीय नौदलात १४०० पदांची भरती; ‘असं’ करा Apply
नवीन आरसी घरी येईल…
या प्रक्रियेनंतर, तुम्हाला फक्त ऑनलाइन फी जमा करावी लागेल. त्याची पावती, मूळ आरसी, एनओसीची प्रत, प्रदूषण प्रमाणपत्र आणि विम्याची प्रत स्पीड पोस्टने तुमच्या संबंधित आरटीओला पाठवावी लागेल. त्यानंतर आरटीओ तुम्हाला नवीन आरसी जारी करेल आणि ती तुमच्या नोंदणीकृत पत्त्यावर स्पीड पोस्टद्वारे पाठवली जाईल.
हायपोथेकेशन काढले नाही तर काय होईल?
हायपोथेकेशन दूर न केल्यास तुम्हाला अनेक समस्यांना सामोरे जावे लागू शकते. तुम्हाला तुमचे वाहन विकायचे असल्यास, तुमची हायपोथेकेशन काढून टाकेपर्यंत नोंदणी हस्तांतरित केली जाणार नाही. त्याच वेळी, कारला पुनर्वित्त करणे आवश्यक असले तरीही, बँक तुम्हाला कर्ज देणार नाही. दुसरीकडे, एनओसीची वैधता होईपर्यंत तुम्हाला हायपोथेकेशन काढले नाही, तर तुम्हाला बँकेकडून पुन्हा एनओसी जारी करावी लागेल आणि या प्रक्रियेला काही दिवस लागू शकतात.