Devendra Fadnavis Gives Offer To Uddhav Thackeray : विधानपरिषदेत मुख्यमंत्री देवेंद्र फडणवीस यांनी उद्धव ठाकरे यांना भाजपसोबत येण्याचं थेट आमंत्रण दिलं. हे वक्तव्य आगामी BMC निवडणुकीच्या पार्श्वभूमीवर महत्त्वाचं मानलं जात आहे.
‘‘उद्धवजी, विचार करा…’’
महाराष्ट्राचे मुख्यमंत्री देवेंद्र फडणवीस यांनी विधान परिषदेत भाषण करताना शिवसेना (उद्धव गट) प्रमुख उद्धव ठाकरे यांना भाजपसोबत येण्याचं थेट आमंत्रण दिलं. फडणवीस म्हणाले, “‘उद्धवजी 2029 पर्यत काहीही स्कोप नाही, आम्हाला त्या बाकावर यायचा स्कोप नाही, तुम्हाला इथं यायचं असेल तर बघा, स्कोप आहे. ते आपण वेगळ्या पद्धतीने बोलू” त्यांनी हे विधान हसत-हसत केलं असलं, तरी त्यामागचा राजकीय संदेश मात्र स्पष्ट आहे.
उद्धव ठाकरेंना फडणवीसांची थेट 'ऑफर'! "आम्ही २०२९ पर्यंत विरोधी पक्षात नाही, तुम्हाला स्कोप आहे…"
— Navakal Digital Network (@_NDN_Official) July 16, 2025
(Devendra Fadnavis Uddhav Thackeray offer, Maharashtra political news, Fadnavis statement assembly, Uddhav Thackeray BJP, Navakal News) pic.twitter.com/Ipf93Y86n9
भाजपकडून उद्धव ठाकरे यांना हे “ओपन ऑफर” थेट बृहन्मुंबई महानगरपालिकेच्या (BMC) निवडणुकीच्या काही महिन्यांआधी दिली गेली आहे. सध्या BMC वर उद्धव गटाचं वर्चस्व आहे. मागील निवडणुकीत भाजप आणि शिवसेनेच्या जागा जवळपास समान होत्या.
हेही वाचा – इंदूरमध्ये हिंदू किन्नरांची संतप्त तक्रार, जबरदस्ती धर्मांतर व HIV इंजेक्शनचा प्रयोग!
2019 ते 2025 – शिवसेना-भाजप युतीपासून ते राजकीय फाटाफुटीपर्यंत
- 2019: भाजप-शिवसेना युतीतून निवडणूक लढली पण मुख्यमंत्रीपदावरून मतभेद.
- 2020: उद्धव ठाकरेंनी काँग्रेस-एनसीपीसोबत महाविकास आघाडी स्थापन केली.
- 2022: शिंदेंनी बंड करत वेगळा गट तयार केला; भाजपसोबत सरकार स्थापन.
- 2024: भाजप, शिंदे गट, आणि अजित पवार गटाच्या युतीने सत्ता कायम.
राज-उद्धव यांचा ऐतिहासिक मंच, पण…
अलीकडेच उद्धव ठाकरे आणि त्यांच्या चुलत भावाला – राज ठाकरे यांना हिंदी अनिवार्य भाषेच्या निर्णयावर विरोध करताना एकत्र पाहिलं गेलं. 20 वर्षांनंतर दोघं एकत्र मंचावर आले. मात्र मनसेच्या उत्तर भारतीयविरोधी भूमिकेमुळे शिवसेना अजूनही गोंधळात आहे, त्यामुळे दोन्ही पक्षांमध्ये दीर्घकालीन युतीची शक्यता कमी वाटते.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!