टाटा सन्सचे माजी चेअरमन सायरस मिस्त्री यांचं कार अपघातात निधन

Cyrus Mistry Died in Accident : टाटा सन्सचे माजी अध्यक्ष आणि उद्योगपती सायरस मिस्त्री यांचा कार अपघातात मृत्यू झाला आहे. मुंबईजवळ पालघरमध्ये त्यांच्या कारला अपघात झाला. सायरस मिस्त्री आणि इतर चार जण पालघरच्या दिशेनं जात असताना त्यांच्या कारला अपघात झाला. त्यांच्या कंपनीच्या संचालकानं त्यांच्या मृत्यूला दुजोरा दिला आहे. ५४ वर्षीय सायरस मिस्त्री हे पालोनजी शापूरजी मिस्त्री यांचे पुत्र होते, जे भारतीय वंशाचे सर्वात यशस्वी आणि शक्तिशाली उद्योगपती होते. सायरस मिस्त्री यांचा जन्म आयर्लंडमध्ये झाला. त्यांनी लंडन बिझनेस स्कूलमध्ये शिक्षण घेतलं. सायरस यांनी १९९१ मध्ये कुटुंबाच्या पालोनजी ग्रुपमध्ये काम करण्यास सुरुवात केली.

मिस्त्रींसोबत कोण कोण होतं?

अपघाताबाबत माहिती देताना एका पोलीस अधिकाऱ्यानं सांगितलं, की सायरस मिस्त्री यांची कार महाराष्ट्रातील पालघर जिल्ह्यात दुभाजकावर आदळली. अधिकाऱ्यानं सांगितलं की, मिस्त्री अहमदाबादहून मुंबईला मर्सिडीज कारनं जात होते. मिस्त्री अहमदाबादहून मुंबईला जात असताना दुपारी ३.१५च्या सुमारास हा अपघात झाला, असं अधिकाऱ्यानं सांगितलं. सूर्या नदीवरील पुलावर हा अपघात झाला. सायरस मिस्त्री यांच्यासोबत जहांगीर दिनशॉ पंडोल, अनाहिता पंडोल, दारियस पंडोल हे कारमध्ये होते. यापैकी सायरस मिस्त्री आणि जहांगीर पंडोल यांचं निधन झालं आहे. उर्वरित दोन जणांना रुग्णालयात दाखल करण्यात आलं आहे. स्थानिक पोलिसांनी दिलेल्या माहितीनुसार, MH 47 AB 6705 क्रमांकाची मर्सिडीज कार चारोटीजवळील पुलावरील दुभाजकावर आदळली.

दु:खद बातमी..!

टाटा सन्सचे माजी चेअरमन सायरस मिस्त्री यांचं कार अपघातात निधन#TATA #CyrusMistry #chairman #accident #vachamarathi pic.twitter.com/doJhX8xzCi

— Vacha Marathi (@VachaMarathi) September 4, 2022

Former Chairman of Tata Sons Cyrus Mistry died in a car crash at around 3pm in Maharashtra's Palghar area. A total of 4 people were there in the vehicle; two, including Cyrus Mistry, died: Palghar Police pic.twitter.com/7sE8PgPUno

— ANI (@ANI) September 4, 2022