Pune Washing Machine Seized : पुणे आणि पिंपरी-चिंचवड परिसरात महापालिका निवडणुकांच्या पार्श्वभूमीवर मतदारांना लुभावण्यासाठी थेट वस्तू वाटप केल्याचा गंभीर प्रकार उघडकीस आला आहे. मतदानाला काहीच तास उरले असताना, प्रचार बंद असतानाही वॉशिंग मशीन, चांदीच्या वस्तू आणि रोख रक्कम वाटली जात असल्याच्या तक्रारींनी खळबळ उडवून दिली आहे.
रहाटणी परिसरात मोठी कारवाई
मिळालेल्या माहितीनुसार, काल सकाळी सुमारे 10.30 वाजता रहाटणी येथील गणराज कॉलनीमध्ये मतदारांना वॉशिंग मशीन वाटप होत असल्याची तक्रार निवडणूक उडनदस्त्याला मिळाली होती. तक्रारीची गंभीर दखल घेत उडनदस्त्याने तात्काळ कारवाई करत घटनास्थळी धाव घेतली.
या कारवाईदरम्यान एकूण 19 वॉशिंग मशीन जप्त करण्यात आली असून, या प्रकरणी कालेवाडी पोलीस ठाण्यात अधिकृत तक्रार दाखल करण्यात आली आहे. संबंधित प्रकरणाचा पुढील तपास प्रशासनाकडून सुरू आहे.
पुणे में वोटर्स को लुभाने की अनोखी कोशिश… वॉशिंग मशीन और चांदी के बर्तन बांटकर वोट मांगने का खेल!
— NDTV India (@ndtvindia) January 14, 2026
पूरी खबर: https://t.co/SEMkcUchHE#Pune pic.twitter.com/vzQXuewBrJ
हेही वाचा – गावाने खेळाच्या माध्यमातून शिक्षण वाचवलं! ‘ज्ञानज्योत क्रिकेट महोत्सव’ची महाराष्ट्रभर चर्चा
मतदानाआधी मतदारांना लुभावण्याचे प्रयत्न
मतदानाला अवघे काही तास शिल्लक असताना आणि प्रचार पूर्णतः बंद असतानाही अशा प्रकारे मतदारांना आकर्षित करण्याचे प्रयत्न सुरू असल्याचे चित्र समोर येत आहे. प्रशासनाच्या मते, हा प्रकार निवडणूक आचारसंहितेचा स्पष्ट भंग आहे.
चांदीच्या वस्तू वाटपाचाही संशय
फक्त वॉशिंग मशीनच नव्हे, तर पुणे आणि पिंपरी-चिंचवड परिसरात मतदारांना चांदीच्या वस्तू वाटप केल्याचीही माहिती समोर आली आहे. या संदर्भातही प्रशासनाकडून स्वतंत्र चौकशी सुरू असून, दोषींवर कडक कारवाई होण्याची शक्यता आहे.
पैशांचे लिफाफे वाटताना रंगेहाथ पकडले?
याच दरम्यान, पुणे महापालिकेच्या प्रभाग क्रमांक 9 मध्ये रोख रक्कम वाटपाचा गंभीर आरोप झाला आहे. स्थानिक नागरिकांच्या दाव्यानुसार, काही उमेदवारांनी आपल्या सहाय्यकांच्या मदतीने मतदारांना पैशांचे लिफाफे वाटण्याचा प्रयत्न केला.
मात्र, नागरिकांनी या प्रकाराचा जाब विचारताच पैसे वाटणारे लोक कोणतेही स्पष्टीकरण न देता घटनास्थळावरून पळ काढताना दिसून आले, अशी माहिती समोर आली आहे.
राज्यातील 29 महानगरपालिकांच्या निवडणुकांसाठी जोरदार प्रचार काल संध्याकाळी अधिकृतरीत्या थांबला. शेवटच्या दिवशी सर्वच प्रमुख राजकीय पक्षांनी मतदारांना आकर्षित करण्यासाठी पूर्ण ताकद लावली होती.
उद्या मतदान, प्रशासन सज्ज
या 29 महापालिकांसाठी उद्या मतदान होणार असून, निवडणुकीच्या पार्श्वभूमीवर शेअर बाजारही बंद राहणार आहेत. राज्य प्रशासनाने सुरळीत, शांततापूर्ण आणि पारदर्शक मतदानासाठी सर्व आवश्यक व्यवस्था केल्याची माहिती दिली आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा