IPL 2024 CSK vs PBKS : इंडियन प्रीमियर लीग (IPL) 2024 सीझनमध्ये, चेन्नई सुपर किंग्स (CSK) आणि पंजाब किंग्स (PBKS) यांच्यात सामना खेळला जात आहे. हा सामना चेपॉक स्टेडियम, चेन्नई येथे होत आहे, ज्यामध्ये पंजाब संघाने नाणेफेक जिंकून प्रथम गोलंदाजी करण्याचा निर्णय घेतला. प्रत्युत्तरात चेन्नई संघाने 163 धावांचे लक्ष्य ठेवले.
या सामन्यात नाणेफेक हारल्यानंतर प्रथम फलंदाजी करताना चेन्नई संघाने 7 गडी गमावून 162 धावा केल्या. चेन्नईने चांगली सुरुवात केली होती, पण हरप्रीत ब्रारने डावाच्या 9व्या षटकात दोन बळी घेत त्यांचे कंबरडे मोडले. त्यानंतर चेन्नईने 107 धावांवर 4 विकेट गमावल्या. पण कर्णधार ऋतुराज गायकवाडने एका टोकाला राहून संघाला सांभाळताना शानदार अर्धशतक ठोकले. ऋतुराज 48 चेंडूत 62 धावा करून बाद झाला. मात्र त्याने संघाला सन्मानजनक धावसंख्येपर्यंत नेले.
हेही वाचा – VIDEO : झिरोवर गेला सिक्सर किंग..! वर्ल्डकप सिलेक्शननंतर शिवम दुबे पहिल्याच बॉलवर OUT
शेवटच्या क्रमांकावर आलेल्या महेंद्रसिंह धोनीने 11 चेंडूत 14 धावा केल्या. आयपीएलच्या या मोसमात तो पहिल्यांदाच आऊट झाला. दुसरीकडे, पंजाबकडून ब्रारशिवाय राहुल चहरने 2 बळी घेतले. तर कगिसो रबाडा आणि अर्शदीप सिंगने 1-1 विकेट घेतली.
दोन्ही संघांची Playing 11
चेन्नई सुपर किंग्ज : ऋतुराज गायकवाड (कर्णधार), अजिंक्य रहाणे, डॅरेल मिशेल, मोईन अली, शिवम दुबे, रवींद्र जडेजा, महेंद्रसिंह धोनी (यष्टीरक्षक), शार्दुल ठाकूर, दीपक चहर, रिचर्ड गिल्सन आणि मुस्तफिजुर रहमान.
पंजाब किंग्ज : जॉनी बेअरस्टो, सॅम कुरन (कर्णधार), रिले रॉसो, जितेश शर्मा (यष्टीरक्षक), शशांक सिंग, आशुतोष शर्मा, हरप्रीत ब्रार, हर्षल पटेल, कागिसो रबाडा, राहुल चहर, अर्शदीप सिंग.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा