IPL 2024 LSG vs MI : टी-20 वर्ल्डकपसाठी लखनऊ सुपरजायंट्सच्या एकाही खेळाडूची भारतीय संघात निवड झाली नसली, तरी त्याचा आयपीएलमधील कामगिरीवर परिणाम झाला नाही. लखनऊने मंगळवारी दमदार कामगिरी करत मुंबई इंडियन्सचा 6 गडी राखून पराभव केला. या सामन्यात मुंबई इंडियन्स संघ सुरुवातीपासूनच दडपणाखाली होता. अवघ्या 27 धावांत 4 विकेट गमावल्या होत्या आणि सामना संपेपर्यंत त्यांना बावातून सावरता आले नाही. यासह मुंबई इंडियन्सने आयपीएल 2024 मध्ये सर्वाधिक सामने गमावण्याच्या रॉयल चॅलेंजर्स बंगळुरूच्या विक्रमाची बरोबरी केली आहे.
या विजयासह लखनऊचे आयपीएल प्लेऑफचे समीकरण पूर्णपणे बदलले आहे. या विजयासह केएल राहुलचा संघ एलएसजीने गुणतालिकेत तिसरे स्थान पटकावले आहे. त्याने एका विजयासह चेन्नई सुपर किंग्ज आणि सनरायझर्स हैदराबादला मागे टाकले. मुंबई इंडियन्स संघ या स्पर्धेत 7 सामने गमावल्यानंतर गुणतालिकेत नवव्या स्थानावर आहे. ती प्लेऑफच्या शर्यतीतून जवळपास बाहेर आहे. आता केवळ चमत्कारच मुंबई इंडियन्सला टॉप-4 मध्ये नेऊ शकतो.
लखनऊच्या एकना स्टेडियमवर झालेल्या सामन्यात एलएसजीचा कर्णधार केएल राहुलने नाणेफेक जिंकून प्रथम गोलंदाजी करण्याचा निर्णय घेतला. लखनऊच्या गोलंदाजांनी त्यांच्या कर्णधाराचा निर्णय योग्य असल्याचे सिद्ध केले आणि मुंबई इंडियन्सच्या 27 धावांच्या आत 4 बळी घेतले. कर्णधार हार्दिक पांड्याला खातेही उघडता आले नाही. रोहित शर्मा 4 धावा करून, तिलक वर्मा 7 आणि सूर्यकुमार यादव 10 धावा करून बाद झाला.
मुंबई इंडियन्सने 10व्या षटकात 50 धावा पूर्ण केल्या. त्यावेळी मुंबईला 100 धावांचा टप्पा गाठणेही अवघड वाटत होते. मात्र नेहल वढेरा (46 धावा) आणि टीम डेव्हिड (35 धावा) यांनी अखेरच्या षटकांमध्ये वेगवान फलंदाजी करत आपल्या संघाला 7 विकेट्सवर 144 धावांपर्यंत नेले. तत्पूर्वी, इशान किशनने 36 चेंडूत 32 धावा केल्या. लखनऊकडून मोहसीनने दोन बळी घेतले. मार्कस स्टॉइनिस, नवीन उल हक, मयंक यादव आणि रवी बिश्नोई यांनी प्रत्येकी एक विकेट घेतली.
हेही वाचा – IPL 2024 LSG Vs MI : मुंबई इंडियन्सची सुमार बॅटिंग, लखनऊला 145 धावांचे टार्गेट!
लक्ष्याचा पाठलाग करण्यासाठी आलेल्या लखनऊ सुपरजायंट्सला सुरुवातीला मोठा धक्का बसला, जेव्हा त्यांचा युवा सलामीवीर अर्शीन कुलकर्णी खाते न उघडताच बाद झाला. मात्र यानंतर मुंबई इंडियन्सला दुसऱ्या विकेटसाठी बराच वेळ वाट पाहावी लागली. कर्णधार केएल राहुल (28) आणि मार्कस स्टॉइनिस (62) यांनी मिळून लखनऊला 59 धावांपर्यंत नेले.
केएल राहुल बाद झाल्यानंतर मार्कस स्टॉइनिस आणि दीपक हुडा (18) यांनी आपल्या संघाला 99 धावांपर्यंत नेले. या धावसंख्येवर दीपक बाद झाल्यानंतर निक्सल पूरण क्रीजवर आला. त्याने शेवटच्या षटकांमध्ये स्टॉइनिस, ॲस्टन टर्नर (5) आणि आयुष बडोनी (6) यांच्यासोबत छोट्या भागीदारी करून लखनऊ सुपरजायंट्सचा विजय निश्चित केला. हार्दिक पांड्याने चांगली गोलंदाजी करत 2 बळी घेतले. हार्दिकने 4 षटकांचा संपूर्ण स्पेल गोलंदाजी करणे ही भारतीय संघासाठी चांगली बातमी आहे.
दोन्ही संघांची Playing 11
लखनऊ सुपर जायंट्स : केएल राहुल (यष्टीरक्षक/कर्णधार), मार्कस स्टॉइनिस, दीपक हुडा, निकोलस पूरन, ॲश्टन टर्नर, आयुष बडोनी, कृणाल पांड्या, रवी बिश्नोई, नवीन-उल-हक, मोहसिन खान, मयंक यादव.
मुंबई इंडियन्स : इशान किशन (यष्टीरक्षक), रोहित शर्मा, सूर्यकुमार यादव, तिलक वर्मा, हार्दिक पांड्या (कर्णधार), नेहल वढेरा, टीम डेव्हिड, मोहम्मद नबी, जेराल्ड कोएत्झी, पीयुष चावला, जसप्रीत बुमराह.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा