IPL 2024 RCB vs PBKS | आयपीएलमध्ये आज रॉयल चॅलेंजर्स बंगळुरू आणि पंजाब किंग्ज यांच्यात सामना होत आहे. 17 व्या मोसमातील हा सहावा सामना आहे. बंगळुरूच्या एम. चिन्नास्वामी स्टेडियमवर दोन्ही संघ आमनेसामने आहेत. आरसीबीने नाणेफेक जिंकून गोलंदाजी निवडली. बंगळुरू आणि पंजाबने प्लईंग इलेव्हनमध्ये कोणताही बदल केलेला नाही. घरच्या मैदानावर आरसीबी विजयाचे खाते उघडण्याचा प्रयत्न करेल. फाफ डू प्लेसिसच्या नेतृत्वाखालील बंगळुरू संघाला पहिल्या सामन्यात चेन्नई सुपर किंग्जकडून (CSK) 6 विकेट्सने पराभव स्वीकारावा लागला. पहिल्या सामन्यात केवळ 21 धावा करू शकलेल्या विराट कोहलीकडून आरसीबीच्या चाहत्यांना मोठ्या खेळीची अपेक्षा असेल.
त्याचवेळी शिखर धवनच्या नेतृत्वाखालील पंजाब किंग्जला सलग दुसऱ्या सामन्यात विजयाचा झेंडा फडकवायचा आहे. पंजाबने त्यांच्या पहिल्या सामन्यात दिल्ली कॅपिटल्सचा 4 गडी राखून पराभव केला होता. पंजाबकडून अष्टपैलू सॅम करन (63) आणि लियाम लिव्हिंगस्टोन (नाबाद 38) यांनी शानदार फलंदाजी केली. हेड-टू-हेडबद्दल बोलायचे तर, पीबीकेएसविरुद्ध आरसीबीचा वरचष्मा राहिला आहे. दोघे एकूण 31 वेळा आमनेसामने आले, ज्यात आरसीबीने 17 सामने जिंकले. पंजाबने 14 सामने जिंकले. बंगळुरूच्या मैदानावर पंजाबने कडवे आव्हान उभे केले. पंजाबने आरसीबीविरुद्ध 11 पैकी 5 सामने जिंकले आहेत आणि 6 गमावले आहेत.
दोन्ही संघांची Playing 11
रॉयल चॅलेंजर्स बंगळुरू – फाफ डू प्लेसिस (कप्तान), विराट कोहली, रजत पाटीदार, ग्लेन मॅक्सवेल, कॅमेरॉन ग्रीन, दिनेश कार्तिक, अनुज रावत (विकेटकीपर), अल्झारी जोसेफ, मयंक डागर, मोहम्मद सिराज, यश दयाल.
पंजाब किंग्ज – शिखर धवन (कप्तान), जॉनी बेअरस्टो, प्रभसिमरन सिंग, सॅम करन, जितेश शर्मा (विकेटकीपर), लियाम लिव्हिंगस्टोन, शशांक सिंग, हरप्रीत ब्रार, हर्षल पटेल, कागिसो रबाडा, राहुल चहर.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा