IPL 2026 Auction : IPL 2026 हंगामासाठीची भव्य ऑक्शन लिस्ट अखेर जाहीर झाली आहे. 16 डिसेंबर रोजी अबू धाबीतील एतिहाद अरेनात होणाऱ्या या मेगा ऑक्शनमध्ये 350 खेळाडू हातोड्याखाली जाणार आहेत. यामध्ये तब्बल 240 भारतीय खेळाडू, तर बाकीचे 110 परदेशी खेळाडू आहेत. यापैकी 112 कॅप्ड, तर तब्बल 238 अनकॅप्ड खेळाडू स्पर्धेत आपलं नशीब आजमावणार आहेत.

या वेळी 10 संघांकडे मिळून INR 237.55 कोटींचा बजेट पूल उपलब्ध आहे, तर 77 स्लॉट्स रिक्त आहेत. त्यामुळे या हंगामात मोठ्या रकमांचे सौदे पाहायला मिळण्याची पूर्ण शक्यता आहे.

2 कोटी बेस प्राईसमध्ये फक्त दोन भारतीय!

सर्वात मोठ्या म्हणजेच INR 2 कोटी बेस प्राईस ब्रॅकेटमध्ये 40 खेळाडूंनी आपली नावे दिली आहेत. परंतु त्यात भारतीयांची संख्या केवळ दोन आहे—

वेंकटेश अय्यर (ऑल-राउंडर)
रवी बिश्नोई (स्पिनर)

यामुळे या दोन्ही खेळाडूंवर संघांची स्पर्धा होणार हे जवळपास निश्चित आहे.

मोठ्या नावांची धडाकेबाज एन्ट्री

या ऑक्शनच्या पहिल्या सेटमध्ये काही मोठी नावं विशेष लक्ष वेधून घेत आहेत—

कॅमेरून ग्रीन (पहिल्या सेटमध्ये, बॅटर म्हणून)
डेव्हिड मिलर
पृथ्वी शॉ
सर्फराज खान

तर ऑल-राउंडर्समध्ये:

वेंकटेश अय्यर
लिअम लिव्हिंगस्टोन
वानिंदू हसरंगा
रचिन रवींद्र

विकेटकीपर आणि बॉलर कॅटेगरीमध्येही मोठी नावं दिसत आहेत. जॉनी बेअरस्टो, फिन अ‍ॅलन, जेमी स्मिथ, जेकब डफी, कोएत्झी, पथिराना, नॉर्टजे, रवी बिश्नोई, मुजीब, थिक्षणा यांच्यावरही फ्रँचायझींची नजर राहणार आहे.

KKR आणि CSK कडे सर्वाधिक बजेट

कोलकाता नाईट रायडर्स : INR 64.3 कोटी, 13 स्लॉट्स
चेन्नई सुपर किंग्ज: INR 43.4 कोटी, 9 स्लॉट्स

दोन्ही संघ मोठ्या खेळाडूंवर पैसे ओतताना दिसतील अशी क्रिकेट तज्ज्ञांची धारणा आहे.

सनरायझर्स हैदराबाद कडे 10 स्लॉट्स असूनही फक्त INR 25.5 कोटी, तर
मुंबई इंडियन्स कडे केवळ INR 2.75 कोटी उरले आहेत. त्यामुळे हे दोन्ही संघ मुख्यतः अनकॅप्ड राऊंडमध्ये सक्रिय दिसतील.

हेही वाचा – UIDAI चा मोठा निर्णय! आधार कार्डची झेरॉक्स देण्यावर बंदी, डिजिटल व्हेरिफिकेशनसाठी नवे नियम लवकरच