Ishan Kishan Copies Harbhajan Singh Bowling Action : भारतीय संघाचा धडाकेबाज फलंदाज इशान किशन सध्या इंग्लंडमध्ये काऊंटी क्रिकेट खेळत आहे. तो काऊंटी चॅम्पियनशिप डिव्हिजन १ मध्ये नॉटिंगहॅमशायरकडून खेळत आहे. इशान किशन नेहमीच फलंदाजीत उत्कृष्ट कामगिरी करतो पण फार कमी लोकांना माहिती आहे की तो गोलंदाजी देखील करू शकतो. त्याने सोमरसेटविरुद्धच्या सामन्यात गोलंदाजी केली. या सामन्याचा पहिला चेंडू हरभजन सिंगच्या गोलंदाजी अ‍ॅक्शनची नक्कल करून किशनने टाकला. त्याचा व्हिडिओ सोशल मीडियावरही व्हायरल होत आहे.
हरभजन सिंगच्या अ‍ॅक्शनची नक्कल
सोमरसेटच्या दुसऱ्या डावात नॉटिंगहॅमशायरकडून गोलंदाजी करण्यासाठी आलेल्या इशान किशनने हरभजन सिंगच्या अ‍ॅक्शनची नक्कल करून पहिला चेंडू टाकला. त्याची अ‍ॅक्शन पाहून सर्वांना हसू आले. इतकेच नाही तर त्याने या ओव्हरचा पाचवा आणि शेवटचा चेंडू माजी ऑस्ट्रेलियन स्पिनर दिवंगत शेन वॉर्नच्या अ‍ॅक्शनने टाकला. हे पाहिल्यानंतरही चाहते आणि समालोचक त्यांचे हसू रोखू शकले नाहीत. इशान किशनने या सामन्यात फक्त एकच ओव्हर टाकला ज्यामध्ये त्याने एक धाव दिली.
Ishan Kishan bowling in County Cricket 🔥🔥🔥🔥🔥#IshanKishan pic.twitter.com/rXAjxXhuLh
— Ayush (@AyushCricket32) July 2, 2025
हेही वाचा – स्पाइसजेटच्या गोवा–पुणे विमानात उड्डाणादरम्यान खिडकीची फ्रेम तुटली, व्हिडिओ व्हायरल झाल्यावर….
हा सामना अनिर्णित राहिला
या दोन्ही संघांमध्ये खेळलेला सामना अनिर्णित राहिला. प्रथम फलंदाजी करताना सोमरसेटने त्यांच्या पहिल्या डावात ३६९ धावा केल्या. सॉमरसेटकडून टॉम बँटनने ८४ धावा केल्या तर टॉम अबेलने ६४ धावांचे योगदान दिले. यष्टीरक्षक-फलंदाज जेम्स रूने ५८ धावा केल्या तर मॅट हेन्रीने ४१ धावा केल्या. नॉटिंगहॅमशायरकडून मोहम्मद अब्बास आणि बेन हटनने प्रत्येकी तीन बळी घेतले. प्रत्युत्तरादाखल नॉटिंगहॅमशायरने त्यांच्या पहिल्या डावात ५०९ धावा केल्या. सलामीवीर बेन साल्टरने संघासाठी १२४ धावांची मौल्यवान खेळी केली.
त्याच्याशिवाय जॅक हेन्सने १५७ धावा केल्या. इशान किशनने स्फोटक फलंदाजी करताना ७७ धावांची खेळी केली. त्याने त्याच्या खेळीदरम्यान ८ चौकार आणि २ षटकार मारले. किशनने आतापर्यंत संघासाठी दोन सामने खेळले आहेत आणि दोन्ही सामन्यात अर्धशतके झळकावली आहेत. यापूर्वी त्याने यॉर्कशायरविरुद्ध ८७ धावा केल्या होत्या. तो सामनाही अनिर्णित राहिला. प्रत्युत्तरादाखल सोमरसेटने त्यांच्या दुसऱ्या डावात चार गडी गमावून २३८ धावा केल्या. सलामीवीर टॉम कोहलर कॅडमोरने संघासाठी १४७ धावांची नाबाद खेळी केली. नॉटिंगहॅमशायरकडून लियाम पॅटरसनने ४ बळी घेतले.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!