Rohit Sharma : मेलबर्न कसोटीत टीम इंडियाच्या पराभवानंतर मोठी बातमी येत आहे. मीडिया रिपोर्ट्सनुसार, रोहित शर्मा लवकरच टेस्ट क्रिकेटला अलविदा करणार आहे. सिडनी कसोटीनंतर रोहित शर्मा निवृत्त होणार असल्याचा दावा केला जात आहे. सिडनी कसोटी 3 जानेवारीपासून सुरू होणार आहे. हा सामना पूर्ण पाच दिवस चालला तर 7 जानेवारी हा रोहित शर्माच्या कसोटी कारकिर्दीचा शेवटचा दिवस ठरू शकतो.
रोहितची सिडनीत शेवटची कसोटी?
टाइम्स ऑफ इंडियाच्या वृत्तानुसार, बीसीसीआय आणि निवडकर्त्यांनी रोहित शर्माच्या निवृत्तीबद्दल बोलण्यास सुरुवात केली आहे. मात्र रोहित निवडकर्त्यांची समजूत घालण्याचा प्रयत्न करत आहे. रोहितला खरंतर वर्ल्ड टेस्ट चॅम्पियनशिपची फायनल खेळायची आहे, पण ही शक्यता कमी आहे. त्यामुळे अशा परिस्थितीत सिडनी हा रोहितचा शेवटचा कसोटी सामना ठरू शकतो.
हेही वाचा – Success Story : बारावीत नापास, रिक्षावाला होशील म्हणून टोमणे, 7 दिवसात 338 कोटींची कमाई!
मोठी गोष्ट म्हणजे रोहित शर्मावरील हा अहवाल मेलबर्न कसोटीतील पराभवानंतर लगेचच समोर आला आहे. मेलबर्न कसोटीत टीम इंडियाचा 184 धावांनी पराभव झाला. एक वेळ अशी होती, टीम इंडियाला ही टेस्ट ड्रॉ करता आली असती. चहापानाच्या ब्रेकपर्यंत भारतीय संघाच्या केवळ 3 विकेट्स पडल्या होत्या पण यानंतर ऋषभ पंत खराब शॉट खेळून बाद झाला आणि त्यानंतर भारतीय डाव पत्त्याच्या घरासारखा कोसळला. यशस्वी जयस्वालने 84 धावांची खेळी केली.
रोहित शर्माची लाजिरवाणी कामगिरी
ऑस्ट्रेलिया दौऱ्यावर रोहित शर्माची बॅटिंग खराब होती. या मालिकेत त्याला 3 सामन्यात केवळ 31 धावा करता आल्या आहेत. रोहितची फलंदाजीची सरासरी 6.20 आहे. मेलबर्न कसोटीत त्याचा एक निर्णय टीम इंडियाला चांगलाच जड गेला. केएल राहुलला ओपनिंगमधून काढून टाकून त्याने ती जागा घेतली आणि ना तो चालला आणि ना केएल राहुल धावा करू शकला. तिसऱ्या क्रमांकावर खेळताना केएल राहुल दोन्ही डावात अपयशी ठरला. रोहित शर्माची फलंदाजी पाहता त्याच्याकडे कसोटी क्रिकेटमध्ये फारसा वेळ उरलेला नाही असे दिसते. त्यामुळेच आता त्यांच्या निवृत्तीच्या बातम्या येऊ लागल्या आहेत.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!