Sudip Gharami 299 Runs Innings : रणजी ट्रॉफीच्या उपांत्यपूर्व फेरीत क्रिकेटप्रेमींना थरारक आणि भावनिक क्षण अनुभवायला मिळाले. बंगालचा फलंदाज सुदीप घरामी अवघ्या एका धावेने त्रिशतकापासून दूर राहिला, पण तरीही त्याने क्रिकेटच्या इतिहासात आपले नाव अढळपणे कोरले.

आंध्र प्रदेशविरुद्धच्या सामन्यात सुदीप घरामी 299 धावांवर बाद झाला. त्यामुळे तो प्रथम श्रेणी क्रिकेटमध्ये 299 धावांवर बाद होणारा पहिला भारतीय फलंदाज ठरला. जागतिक क्रिकेटमध्ये याआधी फक्त मार्टिन क्रो आणि मायकेल पॉवेल यांनाच हा दुर्मीळ अनुभव आला आहे.

A knock worthy of a 𝐒𝐓𝐀𝐍𝐃𝐈𝐍𝐆 𝐎𝐕𝐀𝐓𝐈𝐎𝐍 👏

Sudip Gharami walks back after a marathon inning of 299 (596) to keep Bengal ahead in the #RanjiTrophy quarter final!@IDFCFIRSTBank pic.twitter.com/DK7hMTyqPI
— BCCI Domestic (@BCCIdomestic) February 9, 2026

596 चेंडू, जवळपास 100 षटके फलंदाजी

सुदीप घरामीची ही खेळी केवळ धावांची नव्हे, तर संयम, चिकाटी आणि तांत्रिक शिस्तीचे प्रतीक होती. त्याने तब्बल 596 चेंडूंचा सामना करत 31 चौकार आणि 6 षटकार ठोकले. जवळपास 99.2 षटके फलंदाजी करत त्याने 299 धावा केल्या.

बंगालने आपल्या डावात 199.1 षटके खेळत 629 धावा केल्या. या डावात सुदीप घरामी एकट्याने संघाला भक्कम आधार दिला.

हेही वाचा – भारत–पाकिस्तान सामना पाहायला जाताय? तर ‘हे’ आधी वाचाच..PCBचा घोळ, तिकीट दर गगनाला भिडले!

सामना मात्र आंध्र प्रदेशच्या नावावर

सुदीपच्या ऐतिहासिक खेळी असूनही सामन्याचा निकाल बंगालच्या बाजूने लागला नाही. पहिल्या डावात 295 धावा करणाऱ्या आंध्र प्रदेशने बंगालवर 334 धावांची आघाडी घेतली. दुसऱ्या डावात बंगालचा संघ 244 धावांत आटोपला, त्यामुळे आंध्र प्रदेशने हा सामना एक डाव आणि 90 धावांनी जिंकला.

आंध्र प्रदेशकडून अष्टपैलू नितीश कुमार रेड्डी याने दुसऱ्या डावात 90 धावांची झुंजार खेळी केली.

A moment he will never forget! 🥹🙌

Helmet off, arms raised, and the dressing room on its feet.

Watch Sudip Gharami soak in the applause after bringing up his maiden First-Class Double Century!#RanjiTrophy | @IDFCFIRSTBank pic.twitter.com/DvrKHFLdVQ
— BCCI Domestic (@BCCIdomestic) February 8, 2026

रणजी ट्रॉफीतील दुर्मीळ विक्रम

रणजी ट्रॉफीच्या इतिहासात 299 धावा करणारा सुदीप घरामी दुसरा खेळाडू ठरला. याआधी महाराष्ट्राचा शंतनू सुगवेकर 1988-89 च्या हंगामात 299 धावांवर नाबाद राहिला होता.
जागतिक क्रिकेटमध्ये डॉन ब्रॅडमन यांनीही 1931-32 मध्ये दक्षिण आफ्रिकेविरुद्ध 299 धावांवर नाबाद खेळी केली होती.

शमीचा फटकेबाजीतील जलवा

या सामन्यात मोहम्मद शमी यानेही फलंदाजीचा आनंद घेत सुमारे 30 चेंडूंमध्ये अर्धशतक झळकावले. गोलंदाजीत त्याला एकच यश मिळाले, तर आकाश दीप याने पहिल्या डावात चार बळी घेतले. दुसऱ्या डावात शहबाज अहमद बंगालसाठी चमकला, त्याने चार गडी बाद केले.