Rajasthan Bhilwara Park Tree Cutting : राजस्थानातील भीलवाडा शहरात एक धक्कादायक प्रकार समोर आला असून, पार्कमध्ये तरुण-तरुणी बसतात या कारणावरून सालोंसाल उभी असलेली मोठी झाडे मुळासकट तोडण्यात आली. या घटनेमुळे परिसरात संतापाची लाट उसळली असून, महिलांनी अश्रूंनी आणि तीव्र विरोधाने झाडतोडीचं काम थांबवायला भाग पाडलं.
ही घटना भीलवाड्यातील आर. के. कॉलनी येथील पार्कमधील आहे. शनिवार, 7 फेब्रुवारी रोजी अचानक पार्कमधील 7 ते 8, तर काही अहवालांनुसार 20 पेक्षा अधिक मोठी झाडे तोडण्यात आली. ही झाडे अनेक वर्षांपासून उभी होती, दाट सावली देणारी होती आणि पक्ष्यांचा नैसर्गिक निवासस्थान बनली होती.
बेमतलब काट डाले 20 से ज्यादा पेड़
— Arvind Chotia (@arvindchotia) February 8, 2026
भीलवाड़ा के आरके कॉलोनी सी सेक्टर पार्क में 20 से ज्यादा पेड़ काट दिए गए। यहां न कोई सोलर प्लांट लगने वाला है, न लकड़ियों के लिए पेड़ काटे गए हैं लेकिन काट तो दिए हैं।
क्या इंसान पर्यावरण के खिलाफ हो रहा है? पेड़ नहीं सुहा रहे? छाया नहीं सुहा… pic.twitter.com/vOczGDRWyl
या झाडतोडीमुळे कॉलनीतील महिलांना तीव्र मानसिक धक्का बसला. काही महिला दिवसभर रडत होत्या. एका महिलेने भावनिक शब्दांत सांगितले, “मी हात जोडून विनंती केली की पूर्ण झाड कापू नका, फक्त वरच्या फांद्या छाटून घ्या. पण माझं काहीच ऐकलं नाही. झाडं थेट मुळासकट तोडली.”
महिलांचा विरोध इतका तीव्र झाला की अखेर झाडतोडीचं काम तात्काळ थांबवावं लागलं. परिसरातील नागरिक पार्कमध्ये जमा झाले आणि माजी नगरसेवक ओम पाराशर यांच्याविरोधात घोषणाबाजी करण्यात आली.
माजी नगरसेवकांनी स्पष्टीकरण देताना सांगितले की, झाडे खूप उंच आणि मोठी झाली होती. त्यामुळे ती घरांवर कोसळण्याचा धोका निर्माण झाला होता. तसेच या झाडांच्या आडोशाला असामाजिक घटक आणि तरुण-तरुणी बसत असल्याने नागरिकांना त्रास होत होता.
ये प्यार के भी दुश्मन
— Arvind Chotia (@arvindchotia) February 8, 2026
ये पर्यावरण के भी दुश्मन…
पेड़ों को काटने का कारण जानकर सन्न रह जाएंगे आप। कैसे कैसे नमूने हैं भीलवाड़ा में भगवान ही जाने।
पेड़ों की आड़ में लड़के-लड़कियां बैठे रहते थे, इसलिए पेड़ ही काट डाले।
राम राम राम राम राम राम राम @BhajanlalBjp जी, क्या क्या… https://t.co/DKTVLg7lyF pic.twitter.com/VT1tgsYlIc
त्यांचा असा दावाही आहे की, कॉलनीतील काही नागरिकांनीच झाडांची छाटणी करण्याची मागणी केली होती. मात्र छाटणीच्या नावाखाली संपूर्ण झाडे तोडण्यात आली, ही बाब महिलांना आणि पर्यावरणप्रेमींना मान्य नव्हती.
काही नागरिकांचा थेट आरोप आहे की, पार्कमध्ये प्रेमी जोडपी बसू नयेत म्हणूनच ही झाडतोड करण्यात आली. महिलांच्या अश्रूंनी आणि ठाम विरोधामुळे काम थांबलं असलं, तरी पार्कची पूर्वीची हिरवळ आता नष्ट झाली आहे.
या घटनेत महिलांचा भावनिक आक्रोश, पक्ष्यांचं बेघर होणं आणि पर्यावरणाचं मोठं नुकसान झालं आहे. आता या प्रकरणावर प्रशासन काय भूमिका घेतं आणि जबाबदारी निश्चित होते का, याकडे संपूर्ण भीलवाड्याचं लक्ष लागलं आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा