Maisie Williams Viral Photo : सोशल मीडियावर व्हायरल होणाऱ्या फोटोसोबत नेहमीच एखादी ‘भावनिक, प्रेरणादायी किंवा आयुष्य बदलून टाकणारी’ कथा जोडली जाते. पण याच कथेत किती सत्य? किती मिथक? हे तपासणं महत्वाचं असतं. गेल्या काही दिवसांपासून एका जुन्या फोटोने पुन्हा इंटरनेटवर धमाका केला आहे, प्रसिद्ध हॉलीवूड अभिनेत्री मेसी विलियम्स (Arya Stark – Game of Thrones) ट्रेनमध्ये बसलेली, आणि तिच्या शेजारी एक भारतीय युवक निर्धास्त बसलेला!
दावा असा की त्या युवकाला मुळीच कल्पना नव्हती की त्याच्या शेजारी जगप्रसिद्ध अभिनेत्री बसली आहे. आणि नंतर… एका जर्मन मॅगझिनने त्या युवकाला शोधून काढलं आणि त्याला नोकरी दिली! लोक तर म्हणाले, “हाच नियतीचा खेळ!” पण… सत्य अगदी वेगळं आहे.
This is a twist of fate. In this photo, the troubled, distressed, and seemingly uninterested Indian boy sitting in a German metro is next to a famous actress, whom he does not even know.
— Sann (@san_x_m) December 6, 2025
The photo quickly goes viral across Germany. The well known German magazine Der Spiegel… pic.twitter.com/5xEkwekMDY
फोटो खरा… पण कथा पूर्णपणे बनावटी
X (पूर्वीचे ट्विटर) वर हा फोटो पुन्हा व्हायरल झाला आणि त्याला ‘संघर्षातून नशीब बदलल्याची’ कथा जोडली गेली. पण जेव्हा ही माहिती X च्या AI टूल Grok ला विचारली गेली, त्याने स्पष्ट उत्तर दिलं—
- फोटो खरा आहे
- कथा 100% खोटी आहे
खरा फोटो 7 वर्षांपूर्वी Reddit वर पोस्ट करण्यात आला होता. त्यात मेसी विलियम्सचा चेहरा स्पष्ट, नैसर्गिक दिसतो, कोणतेही एडिटिंग नाही. त्या वेळी ती जर्मनीतील एक सामान्य ट्रेनमध्ये प्रवास करत होती आणि काही मिनिटे त्या भारतीय युवकाच्या शेजारी बसली होती.
सोशल मीडियावर मजेदार दावे
फोटोमधील काचेत पडलेल्या प्रतिबिंबामुळे काही युजर्सना वाटलं की तिथे सोफी टर्नर (Sansa Stark) बसली आहे. मात्र याबाबत कोणतीही पुष्टी नाही.
याशिवाय व्हायरल पोस्टमधील दावे असे —
- युवक भारतातील
- त्याच्याकडे जर्मनीमध्ये रेसिडेन्स परमिट नव्हते
- जर्मन मॅगझिन Der Spiegel ने त्याला शोधून नोकरी दिली
- नोकरी मिळाल्यावर त्याचे आयुष्य बदलले
पण वास्तविकता अशी, ही सर्व कथा खोटी आहे. कोणतीही मॅगझिन, नोकरी किंवा परमिट यापैकी काहीही घडलं नाही.
मग खरी गोष्ट काय?
Reddit वरील माहितीनुसार —
- ही एक अगदी साधी ट्रेन यात्रा होती
- मेसी विलियम्स काही मिनिटांसाठी त्या युवकाच्या शेजारी बसल्या
- युवकाने तिला ओळखले का नाही? हे कधीच समजले नाही
- इंटरनेटवर कथा जोडून तिला ‘नियतीचा चमत्कार’ म्हणून विक्री करण्यात आली
सोशल मीडियावर प्रतिक्रिया
एका फेसबुक युजरने तर संपूर्ण फिल्मी कथा लिहिली की तो भारतीय युवक अवैधरीत्या जर्मनीत राहत होता, संघर्ष करत होता, आणि मेसीच्या शेजारी बसल्यानंतर त्याचं आयुष्य बदललं. लोकांनी त्या पोस्टला हजारो शेअर्स दिले.
परंतु सत्य केवळ इतकंच, हा एक सामान्य फोटो आहे. ना संघर्षाची कथा, ना आयुष्य बदलण्याचा चमत्कार. फक्त सोशल मीडियाने त्याला ‘फिल्मी ट्विस्ट’ दिला.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!