Tejas Crash : दुबई एअर शोमध्ये शुक्रवारी भारताचे स्वदेशी बनावटीचे लढाऊ विमान ‘तेजस’ भीषण अपघातग्रस्त झाले. सोर्टी यशस्वीरीत्या पार पाडताना विंग कमांडर पायलटचा दुर्दैवी मृत्यू झाला. पायलटला विमानातून इजेक्ट होण्यात अपयश आले, अशी माहिती भारतीय वायुसेनेने दिली.
भारतीय हवाई दलाने अधिकृत निवेदनात म्हटले, “दुबई एअर शोदरम्यान IAF चे तेजस विमान अपघातग्रस्त झाले. पायलटला गंभीर दुखापत झाली व त्यांचा मृत्यू झाला. भारतीय वायुसेना या अतीव दुःखात पायलटच्या कुटुंबाबरोबर उभे आहे. अपघाताची कारणमीमांसा करण्यासाठी कोर्ट ऑफ इन्क्वायरी नेमण्यात आली आहे.”
A deeply painful moment for Indian aviation. Watching Tejas crash with no sign of ejection is something that leaves you shaken. Our pilots carry the nation’s pride every time they fly, and seeing this feels like a punch to the heart. Still waiting for clarity, but the visuals… pic.twitter.com/BDlJhnC4k4
— Shashank Singh (@shashank_seo) November 21, 2025
हेही वाचा – 45 वर्षांपूर्वी गेलेली स्मृती परत आली, कुटुंबाला मिळालं हरवलेलं पोरं, संपूर्ण गावाच्या डोळ्यात अश्रू!
दुबई स्थानिक वेळेनुसार दुपारी 2:10 आणि भारतीय वेळेनुसार 3:49 वाजता हा अपघात घडला. निगेटिव्ह G-फोर्स टर्न घेतल्यानंतर विमानाचा ताबा सुटला आणि ते थेट जमीनवर कोसळले. क्षणभरात विमान आगच्या प्रचंड गोळ्यात परिवर्तित झाले. सोशल मीडियावर व्हायरल झालेल्या व्हिडिओमध्ये विमान कौशल्यपूर्ण स्टंट घेताना अचानक कोसळताना दिसते.
तेजस LCA फायटर जेट
Hindustan Aeronautics Limited (HAL) ने विकसित केलेले LCA तेजस हे हलक्या वजनाचे एकसीट फायटर जेट आहे. अत्याधुनिक एव्हिऑनिक्स, अॅगाइल मॅन्युव्हरिंग आणि हलक्या वजनाच्या कॉम्पोझिट फ्रेममुळे हे विमान उच्च दर्जाचे मानले जाते. हे विमान भारतीय वायुसेना आणि भारतीय नौदलात सेवेत आहे आणि भारताच्या संरक्षण क्षेत्रातील आत्मनिर्भरतेचे प्रतीक मानले जाते.
20 महिन्यांत दुसरा क्रॅश
तेजसचा हा 23 वर्षांच्या इतिहासातील दुसरा अपघात आहे. पहिला अपघात 12 मार्च 2024 रोजी राजस्थानातील जैसलमेरजवळ झाला होता, ज्यात पायलट सुरक्षित बाहेर पडला होता.
भारताकडे किती तेजस LCA MK-1 उपलब्ध?
HAL ने 40 तेजस Mk1 चे ऑर्डर घेतले होते. त्यापैकी 38 विमानं वायुसेनेला सुपूर्द करण्यात आली आहेत
- 6 ट्रेनर विमानं
- 32 सिंगल-सीट फायटर्स
परंतु, दोन विमानं क्रॅशमध्ये नष्ट झाल्याने फक्त 30 ऑपरेशनल फायटर तेजस विमानं सेवेत उरली आहेत.
एका तेजसची किंमत…
एका HAL Tejas Mk‑1A विमानाची सुमारे US $ 37.8 million (भारतीय चलनात अंदाजे ₹ 300 करोडांपेक्षा थोडे कमी) आहे, असे आंतरराष्ट्रीय माध्यमांनी नोंदवले आहे. जर इतर व्हेरिएंट्स (उदा. Mk-1, Mk-1A विविध कॉन्फिगरेशन) किंवा संपूर्ण पॅकेज (शस्त्रसज्जी, प्रशिक्षण, देखभाल) विचारात घेतली तर किंमत जास्त किंवा कमी असू शकते.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!