Vande Bharat Express : देशाला आज मिळणार 5 वंदे भारत ट्रेन! जाणून घ्या कुठून कुठे धावणार

Vande Bharat Express : भारताला आज म्हणजेच 27 जून रोजी पाच वंदे भारत ट्रेनची भेट मिळणार आहे. याच अनुषंगाने पंतप्रधान मोदी आज मध्य प्रदेशच्या दौऱ्यावर आहेत. राणी कमलापती स्थानकावरून पंतप्रधान मोदी पाच वंदे भारत ट्रेनला हिरवा झेंडा दाखवतील. यादरम्यान, राणी कमलापती-जबलपूर वंदे भारत एक्स्प्रेस व्यतिरिक्त उर्वरित चार गाड्यांना मोदी हिरवा झेंडा दाखवतील. एकाच दिवसात पाच सेमी हायस्पीड ट्रेन सुरू होण्याची ही पहिलीच वेळ आहे. यासह देशात एकूण 23 वंदे भारत गाड्या असतील.

मध्य प्रदेशला यावेळी दोन वंदे भारत ट्रेनची भेट मिळाली आहे. याशिवाय गोवा, बिहार आणि झारखंडला पहिली वंदे भारत ट्रेन मिळणार आहे. कर्नाटकला दुसऱ्या वंदे भारत ट्रेनची भेट मिळत आहे. बालासोर रेल्वे अपघातानंतर मुंबई-गोवा वंदे भारत एक्स्प्रेस सुरू करण्याचा कार्यक्रम रद्द करण्यात आला. मडगाव-मुंबई वंदे भारत दादर, ठाणे, पनवेल, रोहा, खेड, रत्नागिरी, कणकवली, थिविम आणि मडगाव येथे थांबेल.

बंगळुरू-हुबळी-धारवाड

बंगळुरू, हुबळी आणि धारवाडला जोडणाऱ्या वंदे भारतसह कर्नाटकमध्ये दोन सेमी हायस्पीड गाड्या सुरू होतील. ही ट्रेन दक्षिण पश्चिम रेल्वेमध्ये चालवली जाईल. यशवंतपूर, दावणगेरे आणि हुबळी स्थानकावर थांबणे अपेक्षित आहे. याशिवाय, हुबळी आणि धारवाड दरम्यानचा ट्रेनने प्रवास वेळ 7 तासांवरून सुमारे 5 तासांपर्यंत कमी होणे अपेक्षित आहे.

Historical: PM Modi Flags Off 5 Vande Bharat Express Trains From Bhopal in Precence of Railway Minister Ashwini Vaishnaw and CM Shivraj Singh Chouhan.

👉Bengaluru-Hubbali
👉Bhopal-Indore
👉Bhopal-Jabalpur
👉Patna-Ranchi
👉Mumbai-Goa

Bihar gets its 1st Vande Bharat, This will… pic.twitter.com/gXhunVZO2W

— Megh Updates 🚨™ (@MeghUpdates) June 27, 2023

हेही वाचा  – Tomato Price Hike : आई गं…! टॉमेटो झाले ‘इतके’ रुपये किलो; भाव वाचून लागेल करंट!

पाटणा-रांची

पाटणा आणि रांचीला जोडणारी ट्रेन म्हणून बिहारला पहिली वंदे भारत ट्रेन मिळणार आहे. या ट्रेनला गया, कोडरमा, हजारीबाग रोड, पारसनाथ आणि बोकारो स्टील सिटी येथे थांबा मिळणे अपेक्षित आहे. ही ट्रेन सुमारे 410 किमी अंतर कापणार आहे.

भोपाळ-इंदूर

भोपाळ-इंदूर वंदे भारत एक्स्प्रेस ही मध्यप्रदेश आणि भोपाळ येथून धावणारी दुसरी ट्रेन असेल. ही ट्रेन राज्यातील अनेक शहरांना जोडेल अशी अपेक्षा आहे. मात्र, ट्रेन कधी थांबली याबाबत अद्याप कोणतीही माहिती समोर आलेली नाही.

भोपाळ-जबलपूर

भोपाळ-जबलपूर वंदे भारत एक्सप्रेस ही मध्यप्रदेशातील तिसरी अर्ध-हायस्पीड ट्रेन असेल. यासोबतच भोपाळच्या राणी कमलापती रेल्वे स्थानकावरून धावणारी ही तिसरी ट्रेन असेल.

‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा!