Israel Iran Conflict Impact : मध्यपूर्वेत सुरू असलेल्या इस्त्रायल आणि इराण यांच्यातील संघर्षाचे पडसाद आता जगभर उमटू लागले आहेत. जागतिक पातळीवरील या तणावामुळे कच्च्या तेलाच्या पुरवठ्यावर परिणाम होईल का, अशी चर्चा सर्वत्र रंगली आहे. या पार्श्वभूमीवर महाराष्ट्रातील छत्रपती संभाजीनगर शहरात पेट्रोल संपणार असल्याची अफवा वेगाने पसरली आणि नागरिकांमध्ये भीतीचे वातावरण निर्माण झाले.
अफवेचा वेग आणि पंपांवर उसळलेली गर्दी
“युद्धामुळे कच्च्या तेलाचा आयातपुरवठा थांबेल, पेट्रोल पंप बंद होतील” अशी चर्चा शहरभर पसरताच अनेक वाहनचालकांनी खबरदारी म्हणून पेट्रोल भरून घेण्याचा निर्णय घेतला. परिणामी, काही तासांतच अनेक पेट्रोल पंपांवर मोठी गर्दी उसळली.
दुचाकी आणि चारचाकी वाहनांच्या रांगा लांबपर्यंत लागल्या. काही ठिकाणी परिस्थिती तणावपूर्ण झाली. गर्दी नियंत्रणाबाहेर जाऊ नये म्हणून पोलिसांची मदत घ्यावी लागली.
🚨 Chhatrapati Sambhajinagar | Rush at Petrol Pumps Amid Israel–Iran Tensions
— Hathoda Post (@HathodaPost) March 4, 2026
Amid rising tensions between Israel and Iran, fears of a possible fuel price hike have led to long queues at petrol pumps in Chhatrapati Sambhajinagar.
Citizens rushed to refuel amid concerns over… pic.twitter.com/D4FQGXzlbM
पुरवठा खंडित? की केवळ भीती?
रविवारचा दिवस आणि धुळीच्या वादळामुळे काही ठिकाणी इंधनाचा पुरवठा वेळेत झाला नाही. काही पंप काही काळासाठी बंद ठेवण्यात आले. यामुळे अफवांना आणखी खतपाणी मिळाले आणि नागरिकांमध्ये अस्वस्थता वाढली.
मात्र, छत्रपती संभाजीनगर पेट्रोल पंप डिलर्स असोसिएशनचे अध्यक्ष अखिल अब्बास यांनी स्पष्ट केले की, “सध्याच्या घडीला युद्धाचा पेट्रोलच्या उपलब्धतेवर कोणताही थेट परिणाम झालेला नाही. शहरात इंधनाचा पुरेसा साठा उपलब्ध आहे. नागरिकांनी अफवांवर विश्वास ठेवू नये.”
जागतिक तणावाचा स्थानिक परिणाम
मध्यपूर्वेतील संघर्षामुळे आंतरराष्ट्रीय बाजारपेठेत कच्च्या तेलाच्या दरांबाबत अनिश्चितता निर्माण झाली आहे. त्यामुळे सामान्य नागरिकांमध्ये इंधन दरवाढीची भीती वाढली आहे. मात्र तज्ज्ञांच्या मते, तत्काळ टंचाई निर्माण होण्याची शक्यता अत्यल्प आहे.
प्रशासनाची आवाहन
स्थानिक प्रशासनाने नागरिकांना शांतता राखण्याचे आणि अफवांवर विश्वास न ठेवण्याचे आवाहन केले आहे. अनावश्यक गर्दी टाळून परिस्थिती सुरळीत ठेवण्याचे आवाहन करण्यात आले आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा