Mumbai Metro 3 : देशाची आर्थिक राजधानी म्हणून ओळखली जाणारी मुंबई आता प्रवासाच्या क्षेत्रात इतिहास रचणार आहे. पंतप्रधान नरेंद्र मोदी 8 ऑक्टोबरला मुंबई मेट्रो लाईन 3 (एक्वा लाईन) च्या शेवटच्या टप्प्याचं उद्घाटन करणार आहेत. हा टप्पा वरळीच्या आचार्य अत्रे चौक ते कफ परेड दरम्यान असून, यामुळे मुंबईतील पहिली पूर्णतः भूमिगत मेट्रो सेवा 33.5 किमी लांबीची पूर्ण होणार आहे.
हा ऐतिहासिक प्रकल्प मुंबईच्या मध्य, पश्चिम आणि दक्षिण उपनगरांना जोडतो आणि वाहतुकीच्या कोंडीपासून दिलासा मिळवून देतो. आता आरे ते कफ परेड हा प्रवास फक्त 54 मिनिटांत पूर्ण होणार आहे, जे याआधी तब्बल दीड तासांपेक्षा जास्त वेळ घेत असे.
एक्वा लाईनचा संपूर्ण मार्ग – स्टेशननिहाय माहिती
एकूण लांबी – 33.5 किमी | एकूण स्टेशन – 27
मार्ग – आरे कॉलनी (उत्तर) ते कफ परेड (दक्षिण)
संपूर्ण मेट्रो भूमिगत (फक्त आरे डेपो वगळता)
महत्वाचे इंटरचेंज पॉइंट्स
- मुंबई सेंट्रल, सीएसएमटी मेट्रो, चर्चगेट – उपनगरी रेल्वेसाठी
- मरोळ नाका – मेट्रो लाईन 1 साठी
- T1 आणि T2 एअरपोर्टशी थेट कनेक्टिव्हिटी
हेही वाचा – नवी मुंबई विमानतळ सुरु होताच थेट बससेवा! रेल्वे स्टेशनशीही होणार जोडणी, जाणून घ्या संपूर्ण योजना..
शेवटच्या टप्प्यातील 11 नवी स्टेशन
वरळी, सायन्स म्युझियम, महालक्ष्मी, मुंबई सेंट्रल, ग्रांट रोड, गिरगाव, काळबादेवी, CSMT मेट्रो, हुतात्मा चौक, चर्चगेट, विधान भवन, कफ परेड
भाडं किती लागणार? – स्टेजनिहाय मेट्रो तिकीट दर
मेट्रो 3 मध्ये अंतरावर आधारित भाडं आकारण्यात येणार असून, सर्वसामान्य प्रवाशांसाठी हे किफायतशीर आहे.
| अंतर (किमी) | भाडं (₹) |
| 0 – 3 | ₹10 |
| 3 – 12 | ₹20 |
| 12 – 18 | ₹30 |
| 18 – 24 | ₹40 |
| 24 – 30 | ₹50 |
| 30 – 36 | ₹60 |
| 36 – 42 | ₹70 (अद्याप लागू नाही) |
| > 42 | ₹80 (फ्यूचर एक्स्टेंशनसाठी) |
याशिवाय, प्रवासी NCMC कार्ड, QR कोड पेपर तिकीट, आणि WhatsApp e-ticket चा वापर करू शकतात.
दररोजचे अंदाजित प्रवासी – तब्बल 17 लाख!
या मेट्रो प्रकल्पामुळे दररोज अंदाजे 17 लाख प्रवासी प्रवास करतील असा अंदाज आहे. ही केवळ एक ट्रान्सपोर्ट सेवा नसून मुंबईच्या वाहतूक व्यवस्थेतील एक क्रांतिकारी पाऊल आहे. यामुळे रोड ट्रॅफिक आणि रेल्वेवरील दबाव मोठ्या प्रमाणात कमी होईल.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा