Himachal Pradesh Literacy Rate : हिमाचल प्रदेशने शिक्षणाच्या क्षेत्रात नवा इतिहास रचला असून त्याला ‘पूर्ण साक्षर राज्य’ असा मानाचा दर्जा प्राप्त झाला आहे. 99.3% साक्षरतेसह, हिमाचल आता देशातील त्या राज्यांमध्ये सामील झाला आहे, ज्यांनी साक्षरतेच्या बाबतीत सर्वोच्च स्तर गाठला आहे.
मुख्यमंत्री सुखविंदर सिंह सुक्खू यांनी या ऐतिहासिक टप्प्याची घोषणा करताना सांगितलं की, “हा प्रत्येक हिमाचलवासीयाचा अभिमानाचा क्षण आहे. राज्याच्या प्रगतीच्या प्रवासातील हे एक ऐतिहासिक पाऊल असून, शिक्षण क्षेत्रात आपण नवा आदर्श निर्माण केला आहे.” मुख्यमंत्र्यांनी ‘X’ (म्हणजेच ट्विटर) वर एक पोस्ट करत लिहिलं, “हिमाचल प्रदेश ‘पूर्ण साक्षर राज्य’ बनल्याचा अभिमान आहे. हा आपल्या प्रगतीचा ऐतिहासिक टप्पा आहे. मी सर्व शिक्षक, विद्यार्थी, शासकीय कर्मचारी आणि राज्यातील प्रत्येक नागरिकाचे आभार मानतो ज्यांच्या योगदानामुळे हे स्वप्न साकार झाले.”
Congratulations to Himachal Pradesh for declaring itself fully literate on #InternationalLiteracyDay2025.
— Ministry of Education (@EduMinOfIndia) September 8, 2025
With this achievement, India now has five States and UTs that are fully literate — another milestone in the journey towards a fully literate Bharat.… pic.twitter.com/crs9psDqmy
साक्षरतेचा प्रवास – संघर्ष ते यश
CM सुक्खू यांच्या मते, हा प्रवास अतिशय आव्हानात्मक होता. शिक्षणाच्या क्षेत्रात राज्याने अनेक अडचणींवर मात करत हे यश मिळवलं आहे. विशेष म्हणजे, छात्र-शिक्षक अनुपातात हिमाचल प्रदेश देशात पहिल्या क्रमांकावर आहे. शिक्षण मंत्री रोहित ठाकुर यांनी सांगितले की, स्वातंत्र्यानंतर हिमाचल प्रदेश हा साक्षरतेच्या बाबतीत देशातील सर्वात मागासलेल्या राज्यांपैकी एक होता. मात्र, सातत्यपूर्ण धोरणं, शिक्षकांचे समर्पण आणि समाजाची बदलाची इच्छा या साऱ्यांनी मिळून राज्याला देशाच्या शिखरावर पोहोचवलं आहे. आज राज्यात शाळा सोडणाऱ्यांची संख्या जवळजवळ शून्यावर आली आहे.
राज्याचे शिक्षण सचिव राकेश कंवर यांनी स्पष्ट केलं की, हिमाचल प्रदेशने ‘पूर्ण साक्षर’ राज्य होण्यासाठी आवश्यक असलेले सर्व निकष पूर्ण केले आहेत.
राष्ट्रीय साक्षरतेचा वाढता टक्का
हिमाचलचा हा ऐतिहासिक निर्णय केंद्रीय शिक्षण मंत्री धर्मेंद्र प्रधान यांच्या एका निवेदनानंतर आला, ज्यात त्यांनी सांगितले की भारताची साक्षरता दर 2011 मधील 74% वरून 2023-24 मध्ये 80.9% वर पोहोचला आहे.
8 सप्टेंबर रोजी ‘आंतरराष्ट्रीय साक्षरता दिवस 2025’ निमित्त आयोजित कार्यक्रमात, धर्मेंद्र प्रधान यांनी लद्दाख, मिजोरम, गोवा, त्रिपुरा आणि हिमाचल प्रदेश यांना त्यांच्या पूर्ण साक्षरतेसाठी शुभेच्छा दिल्या.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा