Virat Kohli On India Women’s World Cup Win : नवी मुंबईच्या मैदानावर भारतीय महिला क्रिकेट संघाने रविवारी (2 नोव्हेंबर) इतिहास रचला. तुफानी लढतीत दक्षिण आफ्रिकेला 52 धावांनी पराभूत करत भारताने पहिल्यांदाच महिला क्रिकेट विश्वचषक जिंकला. या ऐतिहासिक यशानंतर संपूर्ण देशात जल्लोष सुरू आहे आणि क्रीडा विश्वातून शुभेच्छांचा वर्षाव होत आहे.

या विजयावर टीम इंडियाचा स्टार क्रिकेटर विराट कोहलीही भावुक झाला. आपल्या सोशल मिडिया पोस्टमध्ये त्याने लिहिले, “भारतीय म्हणून इतका अभिमान मला कधीच वाटला नव्हता. या मुलींनी इतिहास घडवला आहे. अनेक वर्षांच्या मेहनतीचं सोनं झालं. हार्दिक अभिनंदन हरमनप्रीत आणि संपूर्ण संघाला!”

View this post on Instagram

A post shared by Virat Kohli (@virat.kohli)

“ही जिंकणारी पिढी नव्हे, तर प्रेरणा देणारी पिढी!” – विराट कोहली

कोहलीने आणखी म्हटले, “हा क्षण लाखो मुलींना क्रिकेटमध्ये करिअर करण्यासाठी प्रेरणा देणारा आहे. प्रत्येक खेळाडू, सपोर्ट स्टाफ, व्यवस्थापन – सर्वांनी कमाल केली. जयहिंद!”

Ladies and gentlemen, the new World Champions – INDIA! 🇮🇳🏆

They BELIEVED. The whole of India BELIEVED. 💙#CWC25 #INDvSA pic.twitter.com/GvDVjwuqC0
— Star Sports (@StarSportsIndia) November 2, 2025

हेही वाचा – IND Women World Cup Victory: रोहित शर्माच्या डोळ्यांत आनंदाश्रू! भारतीय महिलांनी पहिल्यांदाच वर्ल्डकप जिंकत रचला इतिहास; संपूर्ण देशात…

मॅचचा थरार : शेफाली चमकली, दीप्तीने जिंकवले

टॉस जिंकून दक्षिण आफ्रिकेने प्रथम गोलंदाजी घेतली. भारतासाठी शेफाली वर्माने 87 धावांची तुफानी खेळी करत स्मृती मंधाना सोबत 104 धावांची भागीदारी केली. मंधानानंतर जेमिमा आणि कॅप्टन हरमनप्रीत लवकर माघारी गेल्या, पण दीप्ती शर्मा (58 धावा) आणि रिचा घोष (24 चेंडूत 34 धावा) यांनी भारताला 298 धावांपर्यंत नेले.

दक्षिण आफ्रिकेने सुरुवात सावध केली, पण लॉरा वूल्वार्ड्टने प्रतिकार केला. तस्मिन ब्रिट्स रन-आऊट झाल्यावर सामना रंगात आला. त्यानंतर शेफालीने चेंडूवरही जादू दाखवत दोन महत्त्वाचे विकेट घेतले.

निर्णायक क्षणी पुन्हा दीप्ती शर्माने दोन विकेट झटकून सामना भारताकडे खेचला. शेवटी हरमनप्रीतने अंतिम कॅच घेऊन भारताला विश्वविजेतेपद मिळवून दिले. मैदानावर खेळाडूंच्या डोळ्यांत आनंदाश्रू तर भारतभर “भारत माता की जय” चा नाद!

WE ARE THE CHAMPIONS!

Every ounce of effort, every clutch moment, every tear, all of it has paid off. 💙#CWC25 #INDvSA pic.twitter.com/hhxwlStp9t
— Star Sports (@StarSportsIndia) November 2, 2025