Arshdeep Singh Hug Preity Zinta Viral Video : इंडियन प्रीमिअर लीगच्या (IPL) चालू हंगामात पंजाब किंग्स सध्या स्वप्नवत कामगिरी करत आहे. आपल्या पहिल्या सहा सामन्यांपैकी पाच सामन्यात विजय मिळवून संघाने गुणतालिकेत आपली पकड मजबूत केली आहे. रविवारी मुल्लानपूर येथे झालेल्या सामन्यात पंजाब किंग्सने लखनौ सुपर जायंट्सचा ५४ धावांनी धुव्वा उडवला. या विजयापेक्षाही सध्या चर्चा रंगली आहे ती म्हणजे सामना संपल्यानंतर मैदानावर पाहायला मिळालेल्या एका हृदयस्पर्शी क्षणाची.
प्रीती झिंटाची मिठी आणि अर्शदीपचा जल्लोष
पंजाब किंग्सचा संघ यंदा कमालीच्या फॉर्मात आहे. लखनौविरुद्धच्या विजयानंतर संघाची सह-मालकीण आणि बॉलीवूड अभिनेत्री प्रीती झिंटा मैदानावर आली. तिने संघाचा स्टार वेगवान गोलंदाज अर्शदीप सिंगला प्रेमाने मिठी मारून विजयाच्या शुभेच्छा दिल्या. ही मिठी मिळताच अर्शदीपचा आनंद गगनात मावेनासा झाला. त्याने तिथेच थिरकायला सुरुवात केली आणि चक्क डान्स करून आपला आनंद व्यक्त केला. अर्शदीपची ही मजेशीर रिॲक्शन पाहून प्रीती झिंटा आणि तिथे उपस्थित असलेले चाहते हसून लोटपोट झाले.
Look at the happiness of Arshdeep Singh after receiving a warm hug from Preity Zinta following PBKS’s win vs LSG. 😄
— Sonu (@Cricket_live247) April 20, 2026
Mohammed Shami is still waiting for his chance. 😭 pic.twitter.com/mgGI9YyRCl
हेही वाचा – नेताजींना ‘राष्ट्रपुत्र’ घोषित करण्याची याचिका सुप्रीम कोर्टाने फेटाळली; याचिकाकर्त्याला कडक शब्दांत फटकारले
मोहम्मद शमीची रिॲक्शन ठरली लक्षवेधी
अर्शदीप सिंगचा हा डान्स पाहून लखनौ सुपर जायंट्सचा वेगवान गोलंदाज मोहम्मद शमी देखील स्वतःला हसण्यापासून रोखू शकला नाही. अर्शदीपच्या या बालिश आणि निरागस वागण्यावर शमीच्या चेहऱ्यावरील स्मितहास्य कॅमेऱ्यात कैद झाले असून, तो व्हिडिओ आता इंटरनेटवर तुफान व्हायरल होत आहे. प्रीती झिंटा नेहमीच आपल्या खेळाडूंना पाठिंबा देण्यासाठी आणि त्यांच्याशी नम्रपणे वागण्यासाठी ओळखली जाते, याची प्रचिती पुन्हा एकदा या व्हिडिओमधून आली.
सामन्याचा लेखाजोखा: २५४ धावांचा विक्रम
या सामन्यात पंजाब किंग्सने फलंदाजीमध्ये नवा विक्रम प्रस्थापित केला. प्रियांश आर्य आणि कूपर कॉनोली यांच्यातील १८२ धावांच्या दमदार भागीदारीच्या जोरावर पंजाबने २० षटकात ७ बाद २५४ धावा केल्या. हा या हंगामातील सर्वोच्च धावसंख्या ठरली आहे. प्रियांश आर्यने अवघ्या १९ चेंडूत अर्धशतक झळकावत लखनौच्या गोलंदाजीचे वाभाडे काढले. प्रत्युत्तरात लखनौचा संघ २०० धावांपर्यंतच मजल मारू शकला आणि पंजाबने ५४ धावांनी हा सामना खिशात घातला.
कॉनोलीकडून प्रियांशचे कौतुक
सामन्यानंतर बोलताना कूपर कॉनोली म्हणाला की, “सुरुवातीला मी थोडा दबावाखाली होतो, पण दुसऱ्या टोकाकडून प्रियांश ज्या पद्धतीने फलंदाजी करत होता, ते पाहणे खरोखरच अद्भूत होते. त्याच्या आक्रमक खेळामुळे मला स्थिरावण्यासाठी वेळ मिळाला. तो एक अतिशय प्रतिभावान खेळाडू असून आगामी सामन्यांमध्ये तो नक्कीच मोठी कामगिरी करेल.”
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा