Sher Singh Uttarakhand Police Resignation Jantar Mantar : देशाच्या राजधानीत दिल्लीतील ऐतिहासिक जंतर-मंतर येथे परीक्षांमधील अनियमितता आणि शैक्षणिक सुधारणांच्या मागण्यांसाठी गेल्या काही दिवसांपासून सुरू असलेल्या विद्यार्थ्यांच्या आंदोलनाला एक मोठे आणि अनपेक्षित वळण मिळाले आहे. उत्तराखंड पोलिसात कार्यरत असलेले पोलीस शिपाई शेर सिंह यांनी थेट जंतर-मंतर गाठून आंदोलनाला आपला जाहीर पाठिंबा दर्शवला. इतकेच नव्हे, तर त्यांनी आपल्या पोलीस सेवेचा राजीनामा आंदोलनकर्ते आणि ‘कॉकरोच जनता पार्टी’ (CJP) चे संस्थापक अभिजीत दीपके यांच्या हातात सुपूर्द केला.
खाकी वर्दी सोडून विद्यार्थ्यांच्या मैदानात
जंतर-मंतरवर हजारो विद्यार्थी आपल्या मागण्यांवर ठाम असताना पोलीस शिपाई शेर सिंह तेथे पोहोचले. त्यांनी व्यासपीठावर जाऊन विद्यार्थ्यांच्या लढ्याला मनापासून पाठिंबा व्यक्त केला. देशातील तरुणांचे आणि विद्यार्थ्यांचे भविष्य संकटात असताना आपण शांत राहू शकत नाही, अशी भूमिका घेत त्यांनी आपल्या पोलीस पदाचा त्याग करण्याचा निर्णय घेतला.
त्यांनी आपला राजीनामा थेट आंदोलनाचे नेतृत्व करणाऱ्या अभिजीत दीपके यांच्याकडे सोपवला. एका सरकारी कर्मचाऱ्याने, विशेषतः पोलीस दलातील व्यक्तीने नोकरीवर पाणी सोडून विद्यार्थ्यांच्या बाजूने उभे राहण्याचा हा दुर्मिळ प्रकार असल्याने जंतर-मंतरवर उपस्थित आंदोलकांमध्ये मोठा उत्साह पाहायला मिळाला.
उत्तराखंड पुलिस के सिपाही शेर सिंह ने जंतर मंतर पहुंचकर अपना इस्तीफा अभिजीत दीपके के हाथ में थमा दिया। वह छात्रों के प्रोटेस्ट को अपना खुलकर समर्थन देने आए हैं। pic.twitter.com/trXWQ3IgEn
— Sachin Gupta (@Sachingupta) July 24, 2026
काय आहे जंतर-मंतरवरील आंदोलनाची पार्श्वभूमी?
दिल्लीतील जंतर-मंतर येथे NEET-UG परीक्षेतील कथित अनियमितता आणि शिक्षण क्षेत्रातील विविध समस्यांवरून विद्यार्थ्यांचे मोठे आंदोलन सुरू आहे. कॉकरोच जनता पार्टीचे संस्थापक अभिजीत दीपके यांच्या नेतृत्वाखाली सुरू असलेल्या या आंदोलनात हजारो तरुण सहभागी झाले आहेत.
केंद्रीय शिक्षणमंत्र्यांच्या इस्तीफ्याची मागणी आणि शिक्षण पद्धतीत पारदर्शकता आणण्याच्या मागणीसाठी विद्यार्थी गेल्या अनेक दिवसांपासून ठिय्या मांडून आहेत. या आंदोलनाला सामाजिक कार्यकर्ते, पालक आणि विविध संस्थांचाही पाठिंबा मिळत आहे.
आंदोलनाला नैतिक बळ आणि पुढील वाटचाल
शेर सिंह यांच्या या निर्णयामुळे आंदोलनकर्त्या विद्यार्थ्यांना मोठा नैतिक पाठिंबा मिळाला आहे. नोकरीची आणि भविष्याची तमा न बाळगता विद्यार्थ्यांच्या न्यायासाठी पुढे आलेल्या शेर सिंह यांचे उपस्थितांनी जोरदार घोषणाबाजी करत स्वागत केले.
दरम्यान, पोलीस प्रशासनाकडून या राजीनाम्यावर आणि विभागीय कारवाईबाबत काय भूमिका घेतली जाते, हे पाहणे महत्त्वाचे ठरणार आहे. मात्र, या घटनेमुळे दिल्लीतील विद्यार्थी आंदोलनाची तीव्रता अधिक वाढली असून सरकार आणि प्रशासनावर दबाव निर्माण होण्याची शक्यता वर्तवली जात आहे.
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा