Jaipur Dumper Accident : राजस्थानच्या जयपूरमध्ये सोमवारी संध्याकाळी एक भीषण अपघात झाला आहे. हरमाडा पोलीस स्टेशन परिसरात एका अनियंत्रित डंपरने तब्बल 5 किलोमीटरपर्यंत रस्त्यावर चालणाऱ्या लोकांना आणि वाहनांना चिरडले. या हृदयद्रावक घटनेत 18 लोकांचा मृत्यू झाल्याची भीती व्यक्त केली जात असून, किमान 50 जण गंभीर जखमी आहेत. अनेक जणांची प्रकृती अत्यंत चिंताजनक आहे.

प्रत्यक्षदर्शींच्या मते, डंपर इतक्या जोरात आणि अनियंत्रित अवस्थेत धावत होता की जे कुणी समोर आले, ते डंपरखाली चिरडले गेले. अपघातात एकापेक्षा अधिक वाहनांचा चक्काचूर झाला, तर काही लोकांचे शरीराचे अवयव तुकडे तुकडे झाल्याचे भीषण दृश्य लोकांनी पाहिले. अनेक किलोमीटरपर्यंत रक्त आणि मलबा रस्त्यावर पसरला होता.

जयपुर डंपर हादसे में मरने वालों की गिनती बढ़कर हुई 14#Jaipur #JaipurNews #jaipurajmerhighway #Dumper #RoadAccident #JaipurAccident #Accident #Rajasthan #BreakingNews
Jaipur | Rajasthan | Amit Shah |pic.twitter.com/5HsC3uxVB0
— Chautha Khambha (@chauthakhamba) November 3, 2025

डंपर चालक फरार

डंपर लोहा मंडीकडे जात होता, तेव्हा अचानक त्याचे नियंत्रण सुटले. जोरदार धडक देत डंपर पुढे धावत राहिला. अपघातानंतर चालक घटनास्थळावरून पसार झाला, ज्यामुळे स्थानिकांमध्ये आणखी संताप निर्माण झाला आहे.

प्रशासनाविरोधात आंदोलन

अपघातानंतर परिसरात गोंधळ आणि आरडाओरडा सुरू झाला. स्थानिक नागरिकांनी प्रशासन आणि पोलिसांविरोधात संतप्त निदर्शने केली. त्यांचे म्हणणे आहे की,

रस्त्यावर मोठ्या वाहनांवर नियंत्रण नाही
वाहतूक नियमांची अंमलबजावणी नाही
चालक नशेत होता अशी शंका
ब्रेक फेल झाल्याची शक्यता

संतापलेल्या नागरिकांनी चक्‍का जाम करत तातडीने दोषी चालकाला पकडण्याची मागणी केली आहे.

Jaipur || A speeding dumper went out of control and rammed into several cars and motorcycles one after another this afternoon, killing 10 people and injuring around 30 others.

The accident was so horrific that several vehicles were completely crushed, creating scenes of chaos… pic.twitter.com/DMEaoivFEQ
— All India Radio News (@airnewsalerts) November 3, 2025