Hantavirus outbreak 2026 : अटलांटिक महासागरात प्रवासाला निघालेल्या ‘एमव्ही होंडियस’ (MV Hondius) या आलिशान लक्झरी क्रूझवर जीवघेण्या ‘हंताव्हायरस’चा (Hantavirus) उद्रेक झाला आहे. या उद्रेकामुळे जहाजावर आतापर्यंत ३ प्रवाशांचा मृत्यू झाला असून, त्यात १४९ प्रवासी आणि कर्मचारी अडकले आहेत. विशेष चिंतेची बाब म्हणजे, या जहाजावरील कर्मचाऱ्यांमध्ये २ भारतीय नागरिकांचा समावेश असल्याची पुष्टी करण्यात आली आहे.
नेमकी घटना काय?
‘ओशनवाईड एक्सपेडिशन्स’ (Oceanwide Expeditions) या कंपनीमार्फत चालवले जाणारे हे जहाज अर्जेंटिनाहून स्पेनच्या कॅनरी आयलंडकडे जात होते. प्रवासादरम्यान जहाजावर व्हायरसचा प्रसार झाल्याने खळबळ उडाली. मृत पावलेल्यांमध्ये नेदरलँडचे एक जोडपे आणि एका जर्मन नागरिकाचा समावेश आहे. याशिवाय, स्विस नागरिकासह अन्य ८ जणांना या विषाणूची बाधा झाल्याचा संशय जागतिक आरोग्य संघटनेने (WHO) व्यक्त केला आहे.
Pay attention to the man in the yellow hat! People are beginning to wonder if the Hantavirus cruise ship is a giant psyop 👀 pic.twitter.com/nDXLwC38Pz
— Matt Wallace (@MattWallace888) May 8, 2026
भारताची चिंता वाढली
जहाजावर एकूण २८ देशांतील नागरिक असून त्यात ३८ फिलीपिन्स, ३१ ब्रिटन आणि २३ अमेरिकन नागरिकांचा समावेश आहे. यामध्ये २ भारतीय क्रू मेंबर्सदेखील आहेत. कंपनीने अद्याप या भारतीयांची नावे किंवा त्यांच्या प्रकृतीबाबत अधिकृत माहिती दिलेली नाही, मात्र ते सध्या जहाजावरच निरीक्षणाखाली आहेत.
जागतिक आरोग्य यंत्रणा सतर्क
हंताव्हायरसचा हा उद्रेक चिंताजनक मानला जात आहे कारण अनेक प्रवासी यापूर्वीच ब्रिटन आणि अमेरिकेत विमानाने परतले आहेत. संसर्ग झालेल्या प्रवाशांनी आंतरराष्ट्रीय विमानाने प्रवास केल्यामुळे हा व्हायरस इतर देशांत पसरण्याची भीती व्यक्त केली जात आहे. डब्ल्यूएचओच्या साथीचे रोग तज्ज्ञ मारिया व्हॅन केरखोव्ह यांनी स्पष्ट केले की, हा कोव्हिड-१९ सारखा श्वसनविकार नाही, मात्र ‘अँडीज’ नावाचा हा विशिष्ट स्ट्रेन मानवाकडून मानवाकडे संक्रमित होण्याची क्षमता ठेवतो.
काय खबरदारी घेतली जात आहे?
१. जहाजावरील सर्व प्रवाशांना मास्क वापरणे सक्तीचे करण्यात आले आहे. २. वैद्यकीय कर्मचारी पीपीई (PPE) किटचा वापर करून रुग्णांवर उपचार करत आहेत. ३. जहाजावर कडक सुरक्षा प्रोटोकॉल लागू करण्यात आले आहेत.
Nearly 40 cruise passengers exposed to a deadly virus may have already scattered across the globe — as authorities scramble to track them down.
— Fox News (@FoxNews) May 7, 2026
Dozens left the MV Hondius ship without contact tracing after a hantavirus outbreak that’s already killed at least three people.
The… pic.twitter.com/gXEKtgNyDY
तपासाचे चक्र वेगाने
हा विषाणू सामान्यतः उंदरांमार्फत पसरतो, मात्र एका लक्झरी जहाजावर तो पोहोचला कसा, याचा शोध आरोग्य यंत्रणा घेत आहेत. हंताव्हायरसची लक्षणे दिसण्यासाठी ८ आठवड्यांचा काळ लागू शकतो, त्यामुळे या जहाजावरून प्रवास केलेल्या प्रत्येक व्यक्तीचा शोध घेतला जात आहे. ‘एमव्ही होंडियस’ १० मे पर्यंत कॅनरी आयलंडला पोहोचण्याची शक्यता असून, तिथे पुढील वैद्यकीय कारवाई केली जाईल.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!