Afghanistan Cricketers Killed : पाकिस्तानच्या सैन्य हवाई हल्ल्यामुळे अफगाणिस्तानच्या पक्तिका प्रांतात तीन उभरते क्रिकेटपटूंचा दुर्दैवी मृत्यू झाला आहे. या घटनेने अफगाणिस्तान क्रिकेट जगतातच नव्हे, तर आंतरराष्ट्रीय क्रीडा क्षेत्रातही संताप आणि दुःखाची लाट उसळली आहे.
अफगाणिस्तान क्रिकेट बोर्डाने (ACB) या हल्ल्याचा तीव्र निषेध करत, पाकिस्तानमध्ये नोव्हेंबर महिन्यात होणाऱ्या तिरंगी मालिकेतून माघार घेतली आहे. ACB ने आपल्या अधिकृत निवेदनात म्हटले आहे की, “ही पाकिस्तानच्या सैन्यशासनाने केलेली कायरतापूर्ण कारवाई आहे.”
तणावाची पार्श्वभूमी
11 ऑक्टोबरपासून पाकिस्तान आणि अफगाणिस्तान यांच्यात तणाव वाढत आहे. अफगाण दलांनी काही पाकिस्तानी सैन्य चौक्यांवर हल्ला केल्याचा आरोप आहे. त्यानंतर झालेल्या संघर्षात दोन्ही बाजूंतील अनेक सैनिक मारले गेले. अल्पकालीन युद्धविरामानंतर पाकिस्तानने पुन्हा हवाई हल्ले केले आणि अफगाणिस्तानच्या पक्तिका प्रांतातील अर्जुन व बर्मल जिल्ह्यांतील नागरी भाग लक्ष्य केले.
तालिबान प्रशासनाने या हल्ल्यांना “युद्धविरामाचे उल्लंघन” ठरवले आहे. या दरम्यान दोन्ही देशांचे प्रतिनिधी दोहामध्ये तणाव कमी करण्यासाठी बैठक घेत होते, पण पाकिस्तानच्या एअर स्ट्राईकमुळे परिस्थिती पुन्हा भडकली.
Visuals from the cricket match of the 3 young Afghanistan cricketers. These 3 died in Pakistan air strikes in civilian areas 😨
— Richard Kettleborough (@RichKettle07) October 18, 2025
One was Kabir Agha, who won the Man of the Match and was celebrating the victory, but massacred by Pakistani airstrike 😑pic.twitter.com/uV2Gu1urw7
हल्ल्यात मरण पावलेले तीन क्रिकेटपटू कोण?
या हवाई हल्ल्यात कबीर (Kabeer), सिबगातुल्लाह (Sibghatullah) आणि हारून (Haroon) हे तीन तरुण क्रिकेटपटू मरण पावले. हे सर्वजण स्थानिक स्पर्धेत खेळून नंतर एका सभा कार्यक्रमात सहभागी झाले होते, तेव्हाच हा हल्ला झाला.
- कबीर: पक्तिका प्रांतातील उरगुन जिल्ह्यातील रहिवासी. नुकताच एका स्थानिक क्रिकेट स्पर्धेत “मॅन ऑफ द मॅच” ठरला होते. तो एक ऑलराउंडर होता आणि अफगाण राष्ट्रीय संघात मोहम्मद नबीसारखी भूमिका निभावण्याचे त्याचे स्वप्न होते.
- सिबगातुल्लाह: त्याने अफगाणिस्तानचा स्टार कर्णधार राशिद खानला आपला आदर्श मानले होते. इंटरनॅशनल क्रिकेटमध्ये नाव मिळवण्याचे त्याचे ध्येय होते.
- हारून खान: जन्म 15 मार्च 2006 रोजी काबूलमध्ये. या तरुणाने वयगट स्पर्धांमध्ये आपल्या फलंदाजीने सर्वांना प्रभावित केले होते. त्यांनी लिस्ट-ए, टी20 आणि फर्स्टक्लास सामन्यांतही चमक दाखवली होती.
हेही वाचा – सोलापूरच्या किरण नवगिरेनं केलं जे आजवर कुणी केलं नव्हतं! महिला टी20 मध्ये रचला इतिहास
Kabir Agha,The Man of the Match in a local Paktika tournament just a day ago, was killed in a Pakistani airstrike. He dreamed of representing Afghanistan’s national team one day but his journey ended too soon,martyred in a cowardly strike by Pakistan💔🏏#AfghanistanPakistanWar pic.twitter.com/8KC2vtBsqj
— Aditya Pratap Singh (@Adi_IIMCIAN) October 18, 2025
कबीरच्या स्वप्नांची कहाणी
स्थानिक पक्तिका स्पर्धेत ‘मॅन ऑफ द मॅच’ ठरलेला कबीर फक्त एका दिवसानंतर या हल्ल्यात मरण पावला. अफगाणिस्तानसाठी खेळण्याचे त्याचे स्वप्न कधीच पूर्ण होऊ शकले नाही. पाकिस्तानच्या या एअर स्ट्राईकमध्ये तो आणि त्याचे दोन मित्र देशासाठी शहीद झाले.
अफगाणिस्तान क्रिकेट बोर्डाने म्हटले आहे की, “आम्ही आपल्या तीन तरुण क्रिकेटरांचा अमूल्य जीव गमावला आहे. त्यांनी देशाच्या भविष्याची आशा जिवंत ठेवली होती. त्यांचा बलिदान व्यर्थ जाऊ देणार नाही.”
या घटनेनंतर अफगाणिस्तान आणि पाकिस्तान यांच्यातील संबंध आणखी ताणले गेले आहेत. आंतरराष्ट्रीय पातळीवर या हल्ल्याचा निषेध होत असून, संयुक्त राष्ट्रांकडेही या विषयावर तक्रार दाखल करण्याची तयारी अफगाणिस्तानने दर्शवली आहे.
‘वाचा मराठी’चे व्हॉट्सॲप चॅनेल येथे फॉलो करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा