Loksabha Elections 2024 | भारतीय जनता पक्षाने लोकसभा निवडणुकीसाठी उमेदवारांची पाचवी यादी जाहीर केली आहे. या यादीत रामायण या मालिकेत रामाची भूमिका साकारणाऱ्या अरुण गोविल यांना मेरठमधून तिकीट देण्यात आले आहे. नवीन जिंदाल यांना कुरुक्षेत्र, हरियाणातून तिकीट देण्यात आले आहे. पिलीभीतमधून वरुण गांधी यांचे तिकीट कापून जितिन प्रसाद यांना उमेदवारी देण्यात आली आहे. काल पंतप्रधान नरेंद्र मोदी यांच्या नेतृत्वाखालील भाजपच्या केंद्रीय निवडणूक समितीच्या बैठकीत दीर्घ विचारमंथनानंतर ही यादी जाहीर करण्यात आली आहे. या बैठकीला भाजप अध्यक्ष जगत प्रकाश नड्डा, गृहमंत्री अमित शहा, संरक्षण मंत्री राजनाथ सिंह, उत्तर प्रदेशचे मुख्यमंत्री योगी आदित्यनाथ सिंह यांच्यासह अनेक दिग्गज नेते उपस्थित होते.
उत्तर प्रदेशात नव्या चेहऱ्यांना संधी
भाजपने पाचव्या यादीतील अनेक विद्यमान खासदारांची तिकिटे रद्द करून नव्या चेहऱ्यांना संधी दिली आहे. यामध्ये गाझियाबादचे खासदार व्हीके सिंह यांना तिकीट न दिल्याने अतुल गर्ग यांना संधी देण्यात आली आहे. रामायण या लोकप्रिय मालिकेत रामाची भूमिका साकारणाऱ्या अरुण गोविल यांना मेरठ लोकसभा मतदारसंघातून तिकीट देण्यात आले आहे. सध्या राजेंद्र अग्रवाल येथून खासदार आहेत. सतीश गौतम यांना अलिगड लोकसभा मतदारसंघातून तिकीट देण्यात आले आहे.
हेही वाचा – IPL 2024 : जसप्रीत बुमराहचा खतरनाक यॉर्कर, बॅट्समनचा उडाला मिडल स्टम्प! पाहा Video
22 मार्च रोजी जाहीर झालेल्या चौथ्या यादीत भाजपने तामिळनाडू आणि पुद्दुचेरीमधील 15 उमेदवारांची नावे जाहीर केली होती. तामिळनाडूमधून 14 उमेदवार होते. तामिळनाडूमध्ये लोकसभेच्या 39 जागांसाठी पहिल्या टप्प्यात 19 एप्रिल रोजी मतदान होणार आहे. गेल्या निवडणुकीत तामिळनाडूत भाजपला एकही जागा मिळाली नव्हती. भाजपची 8 मार्चला पहिली यादी समोर आली होती.
‘वाचा मराठी’चे व्हॉट्सॲप चॅनेल येथे जॉईन करा
वाचा मराठी’चा व्हॉट्सअप ग्रुप-3 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप-2 जॉईन करण्यासाठी येथे क्लिक करा!
‘वाचा मराठी’चा व्हॉट्सअप ग्रुप जॉईन करण्यासाठी येथे क्लिक करा