PF Withdrawal Process : कर्मचारी भविष्य निर्वाह निधी (EPF) म्हणजेच PF हा बहुतांश नोकरदार वर्गासाठी एक महत्त्वाचा आर्थिक आधार आहे. कामाच्या काळात दर महिन्याला पगारातून एक ठराविक रक्कम या खात्यात जमा होत असते. या खात्यातील पैसे निवृत्तीनंतर उपयोगी पडतात, मात्र अनेक वेळा वैयक्तिक गरज, लग्न किंवा आजारपणाच्या कारणाने लोकांना ही रक्कम आधीच काढावी लागते. अशा वेळेस अनेकांना प्रश्न पडतो, “PF मधले पैसे कसे काढायचे?” तर आता हा प्रक्रिया अतिशय सोपी करण्यात आली आहे.

EPFO चा नवीन नियम — आता 100% रक्कम काढणे शक्य

ईपीएफओ (EPFO) म्हणजे कर्मचारी भविष्य निर्वाह निधी संघटनेने अलीकडेच नियमांमध्ये मोठा बदल केला आहे. नवीन नियमानुसार आता तुम्ही लग्न, गंभीर आजारपण किंवा इतर वैयक्तिक कारणासाठी PF खात्यातील 100 टक्के रक्कम काढू शकता.
पूर्वी केवळ नोकरी सोडल्यावरच काही प्रमाणात रक्कम मिळत असे, पण आता ही अट शिथिल करण्यात आली आहे.

हेही वाचा – पुरुषांच्या दाढीत कुत्र्याच्या केसांपेक्षा जास्त जंतू! स्वच्छतेबाबत धक्कादायक संशोधन

ऑनलाइन रक्कम काढण्याची प्रक्रिया (Step-by-Step Guide)

Step 1: सर्वप्रथम EPFO ची अधिकृत वेबसाइट उघडा आणि तुमचा UAN नंबर, पासवर्ड आणि कॅप्चा कोड टाकून लॉगिन करा.

Step 2: लॉगिन झाल्यावर ‘Online Services’ या ऑप्शनवर क्लिक करा.

Step 3: येथे तुम्हाला Form 31, 19, 10C आणि 10D हे पर्याय दिसतील. यातील योग्य फॉर्म निवडा.

Step 4: पुढे घोषणा (Declaration) वर टिक करून ‘Proceed for Online Claim’ वर क्लिक करा.

Step 5: पुढच्या पेजवर तुम्हाला क्लेमचा प्रकार निवडायचा आहे – म्हणजेच फुल विथड्रॉल (संपूर्ण रक्कम) की पार्शियल विथड्रॉल (अर्धवट रक्कम). आपल्या गरजेनुसार पर्याय निवडा.

Step 6: आता आवश्यक ती रक्कम व सध्याचा पत्ता टाका.

Step 7: शेवटी फॉर्म सबमिट करा. त्यानंतर तुमच्या आधारशी लिंक असलेल्या मोबाईल नंबरवर ओटीपी येईल. तो टाकताच तुमचा क्लेम सबमिट होईल.

या प्रक्रियेनंतर काही दिवसांतच तुमची रक्कम तुमच्या बँक खात्यात जमा केली जाईल.

ऑफलाइन प्रक्रिया (पर्यायी मार्ग)

जर तुम्हाला ऑनलाइन प्रक्रिया अवघड वाटत असेल, तर जवळच्या EPFO ऑफिसमध्ये भेट देऊन आवश्यक फॉर्म भरूनही तुम्ही पैसे काढू शकता. मात्र यासाठी UAN आणि आधार लिंकिंग अनिवार्य आहे.